ປກສ ເມືອງສີໂຄດຕະບອງ ມອບລົດຈັກ ຄືນເຈົ້າຂອງເດີມ

ວັນທີ 13 ສິງຫາ ຜ່ານມາ, ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງວຽງຈັນ ມອບລົດຈັກ 2 ຄັນ ທີ່ເກັບກູ້ມາໄດ້ ຄືນ ໃຫ້ເຈົ້າຂອງເດີມ,ຕາງໜ້າຮັບໂດຍ ທ່ານ ບຸນແກ້ວ ເຈົ້າຂອງລົດຈັກ,ມີພະນັກງານນັກຮົບ ແລະ ເຈົ້າຂອງລົດ ເຂົ້າຮ່ວມເປັນສັກຂີພະຍານ.

ເຈົ້າໜ້າທີ່ ປກສ ເມືອງສີໂຄດຕະບອງ ໃຫ້ຮູ້ວ່າ: ລົດຈັກ Hon Da wave 100 ຈໍານວນ 2 ຄັນ ທີ່ນໍາມາມອບຄືນໃນຄັ້ງ ນີ້: ມີສີ ແດງດຳ ບໍ່ມີປ້າຍ,ເລກຈັກ NF 100E8345012; ເລກຖັງ NF 100E8345012 ອອກ ຊື່ ທ້າວ ບຸນແກ້ວ ຢູ່່ບ້ານທາດຫຼວງໃຕ້ ເມືອງໄຊເສດຖາ ນວ ແລະ ລົດສີຟ້າດໍາ ເລກຈັກ NF 100E8404059; ເລກຖັງ NF 100E8404059 ອອກ ຊື່ ນາງ ອິນທະວິໄລ ຢູ່່ບ້ານສີສັງວອນ ເມືອງໄຊເສດຖາ ນວ,ລົດຈຳນວນດັ່ງກ່າວ ເກັບກູ້ຄືນໄດ້ ໃນວັນທີ 20 ກໍລະກົດ ທີ່ຜ່ານມາ, ເຊິ່ງເຈົ້າໜ້າທີ່ ປກສ ເມືອງສີໂຄດຕະ ບອງ ມ້າງຄະດີລັກຊັບພົນລະເມືອງ.

ໃນໂອກາດນີ້, ທ່ານ ບຸນແກ້ວ ເຈົ້າຂອງລົດຈັກ ກໍໄດ້ຕ່າງໜ້າ ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍຕໍ່ເຈົ້າໜ້າທີ່ຕໍາຫຼວດ ທີ່ເອົາ ໃຈໃສ່ປະຕິບັດໜ້າທີ່ວຽກງານວິຊາສະເພາະ ຢ່່າງຕັ້ງໜ້າ ຈົນສາມາດຕິດຕາມເກັບກູ້ລົດທີ່ຖືກລັກໄປຄືນມາໄດ້ ແລະ ຝາກເຕືອນສະຕິ ມາຍັງພໍ່ແມ່ປະຊາຊົນ ກໍຄື ຜູ້ທີ່ນຳໃຊ້ຍານພາຫະນະທຸກປະເພດ ຈົ່ງເອົາໃສ່ຮັກສາຊັບສີນ(ລົດ) ໃຫ້ດີ ເຊັ່ນ:ຈອດລົດທຸກຄັ້ງ ຕ້ອງໃສ່ກຸນແຈລັອກຄໍລົດ ແລະ ຈອດລົດໄວ້ ໃນສະຖານທີ່ປ້ອງໄພທຸກຄັ້ງ ເພື່ອບໍ່ເປັນຊ່ອງຫວ່າງໃຫ້ແກ່ກຸ່ມຄົນບໍ່ດີ ສວຍໂອກາດລັກເອົາໄດ້, ທັງນີ້ ກໍເພື່ອເປັນການຊ່ວຍກັນສະກັດກັ້ນສະພາບລັກຊັບພົນລະເມືອງ ໃຫ້ຫຼຸດໜ້ອຍລົງ.

ພາບ-ຂໍ້ມູນຂ່າວ: ປກສ ນະຄອນຫຼວງວຽງຈັນ

Related Posts

Leave a Reply

Your email address will not be published. Required fields are marked *