ສ າ ນ ປະຊາຊົນ ແຂວງວຽງຈັນ ຕັ ດ ສິ ນ ປ ະ ຫ າ ນ ຊີ ວິ ດ 4 ຈຳເລີຍ ຄ ະ ດີ ຢ າ ເ ສ ບ ຕິ ດ

ວັນທີ 13 ສິງຫາ ຜ່ານມາ,ສານປະຊາຊົນແຂວງວຽງຈັນ ຕັດສິນປະຫານຊີວິດ 4 ຈຳເລີຍ ຄະດີຄ້າຂາຍຢາເສບຕິດ,ຖືກກັກຕົວໃນວັນທີ 13 ກໍລະກົດ 2019 ໃນຂໍ້ກ່າວຫາຄ້າ-ຂາຍຢາເສບຕິດ ແລະ ມີຢາເສບຕິດໄວ້ໃນຄອບຄອງ ປະເພດຢາບ້າ ຈຳນວນ 80 ມັດ ເທົ່າກັບ 160.000 ເມັດ.ຈຳເລີຍ 4 ຄົນ ຊື່: ທ້າວ ບຸນເພັງ ອາຍຸ 65 ປີ, ທ້າວ ຄຳມ່ວນ ອາຍຸ 62 ປີ,ທ້າວ ຄຳເມິງ ອາຍຸ 63 ປີ ທັງ3 ຢູ່່ບ້ານແສນຈະເລີນ ເມືອງຊະນະຄາມ ແຂວງວຽງຈັນ ແລະ ທ້າວ ສົມຫວັງ ອາຍຸ 63 ປີ ຢູ່່ບ້ານນາງ່າ ເມືອງນາຊາຍທອງ ນະຄອນຫຼວງວຽງຈັນ

ຜ່ານການຄົ້ນຄວ້າບັນດາຂໍ້ມູນຫຼັກຖານ ແລະ ເອກະສານຕ່າງໆທີ່ປະກອບໃນສໍານວນຄະດີຢ່່າງລະອຽດຖີ່ຖ້ວນ,ຮອບດ້ານ,ພາວະວິໄສແລ້ວ ເຫັນວ່າ ມີຫຼັກຖານຮັດກຸມ ທີ່ໜັກແໜ້ນ ແລະ ພຽງພໍ ຢັ້ງຢືນວ່າ ການກະທໍາຂອງຈໍາເລີຍທັງ 4 ຄົນ ເປັນການກະທໍາຜິດທາງອາຍາ ໃນສະ ຖານ ການຄ້າຂາຍຢາເສບຕິດ(ຢາບ້າ) ເຊິ່ງເປັນການກະທໍາຜິດທີ່ແຕະຕ້ອງຕໍ່ເສດຖະກິດຂອງຊາດ, ເຮັດໃຫ້ສັງຄົມບໍ່ມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ ຕາມທີ່ໄດ້ກໍານົດໄວ້ໃນປະມວນກົດໝາຍອາຍາ ມາດຕາ 315.

ດັ່ງນັ້ນ.ຄະນະສານອາຍາ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດ ປະຫານຊີວິດຈຳເລີຍທັງ 4ຄົນ.ສ່ວນຢາບ້າ ຈຳນວນ 80 ມັດ ແມ່ນມອບໃຫ້ພາກສ່ວນທີ່ກ່ຽວຂ້ອງນຳໄປທຳລາຍຖິ້ມ, ລົດກະບະ ມິດຊູບີຊິ ສີຂຽວ ບໍ່ມີປ້າຍທະບຽນ ແມ່ນມອບໃຫ້ກອງບັນຊາການ ປກສ ແຂວງວຽງຈັນ ແລະ ໂທລະສັບ ຈຳນວນ 4 ເຄື່ອງ ແມ່ນຍຶດເຂົ້າເປັນຊັບຂອງລັດ.

@Khaosanlao

ພາບ-ຂໍ້ມູນຂ່າວ: ປກສ ແຂວງວຽງຈັນ

Related Posts

Leave a Reply

Your email address will not be published. Required fields are marked *