ໄປຂາຍເລກ ບໍ່ຮູ້ວ່າ ຕິດ ໂ ຄ ວິ ດ ມາແຕ່ໃສ່

ໃນການລາຍງນ ຂອງຄະນະສະເພາະກິດ ເຊົ້າວັນທີ 24 ກັນຍາ 2021, ມີກໍລະນີ ທີ່ລູກ ໄປຂາຍເລກນໍາແມ່ ຢູ່ຕະຫຼາດອົດຊີ ແລ້ວຕິດ ໂຄວິດ-19, ເຊິ່ງຖືວ່າເປັນກໍລະນີ ທີ່ຍັງບໍ່ຮູ້ແນ່ນອນ ວ່າລາວຕິດເຊື້ອກັບໃຜ.

ນີ້ຈິ່ງເປັນສາເຫດ ທີ່ທາງຄະນະສະເພາະກິດ ຕ້ອງໄດ້ເພີ່ມມາດຕະການເຂັ້ມງວດ, ເພາະ ຜູ້ຕິດເຊື້ອ ບໍ່ສະແດງອາການ ທີ່ຕິດ ໂຄວິດ-19 ສາຍພັນ ເດວຕ້າ ແມ່ນສາມາດ ແຜ່ເຊື້ອໄດ້. ການທີ່ຢູ່ໃກ້ກັນ ແມ່ນມີໂອກາດສ່ຽງສູງ ແມ້ວ່າ ຈະໃສ່ຜ້າອັດປາກດັ່ງ, ແຕ່ກໍ່ຍັງສ່ຽງ ເພາະວ່າສາຍພັນ ນີ້ມີຄວາມສາມາດ ຕິດໄດ້ງ່າຍ ແລະ ການກະຈາຍຂອງ ເຊື້ອໃນອາກາດແມ່ນໄປໄດ້ໄກ.

ເຊິ່ງການຕິດເຊື້ອໃນຊຸມຊົນ ນະຄອນຫຼວງ ມີ ທັງໝົດ229 ຄົນ: ພະນັກງານບໍລິສັດ Trio 141 ຄົນ, ພະນັກງານບໍລິສັດ Venture 51 ຄົນ, ບໍລິສັດ DKSH 7 ຄົນ: ພະນັກງານ 5 ຄົນ ແລະ ຄອບຄົວພະນັກງານ 2 ຄົນ (ເຮັດວຽກໂຮງງານດຽບວູ 1 ຄົນ), ພະນັກງານໄອຍະການ ພ້ອມຄອບຄົວ 3 ຄົນ, ທະຫານຕຳຫຼວດ 2 ຄົນ, ບໍລິສັດໄອນິວ 1 ຄົນ, ບໍລິສັດໂນວາອາໄຫຼ 1 ຄົນ, ຕະຫຼາດທ່າງອນ 6 ຄົນ, ຕະຫຼາດອົດຊີ 2 ຄົນ ( 1 ຄົນ ແມ່ຄ້າ ແລະ 1 ຄົນ ແມ່ນໄປຂາຍເລກນຳແມ່), ບໍລິສັດເມືອງວັງ 2 ຄົນ (ຄອບຄົວດຽວກັນ), ເຫຼືອນັ້ນ ທີມງານກຳລັງເກັບກຳລາຍລະອຽດຂໍ້ມູນຕື່ມ 9 ຄົນ

ເຊົ້າວັນທີ 24 ກັນຍາ 2021 ນີ້ຄະນະສພເພາະກິດ ລາຍງານສະພາບການລະບາດພະຍາດໂຄວິດ-19 ຢູ່ ສປປ ລາວ, ເຊິ່ງເຂດສ່ຽງນະຄອນຫຼວງວຽງຈັນນັ້ນປະກອບມີ: ໂຮງງານ ອານປີ, ບ້ານ ໜອງທາເໜືອ, ເມືອງຈັນທະບູລີ, ໂຮງງານ ທຣີໂອ, ບ້ານ ​ສີເກີດ, ເມືອງ ນາຊາຍທອງ, ໂຮງງານເວັນເຈີ, ບ້ານ ​ສີວິໄລ, ເມືອງ ໄຊທານີ, ຕະຫຼາດ ທ່າງ່ອນ, ໂຮງງານນໍ້າດື່ມ ຄຣິດສະຕອນ, ບໍລິສັດ ເມືອງວັງ, ບໍລິສັດ DKSH, ຕະຫຼາດໂອຊີ.

ທ່ານໃດໄປສະຖານທີ່ເຫຼົ່ານີ້ ຂໍໃຫ້ກວດສອບຕົນເອງ, ແຍກປ່ຽວ ແລະ ໄປກວດຫາເຊື້ອ ເພື່ອຄວາມໝັ້ນໃຈ

ມາຮອດວັນທີ 23 ກັນຍາ 2021 ໄດ້ກວດວິເຄາະທັງໝົດ 5,965 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 434 ຄົນ:

ກໍລະນີນໍາເຂົ້າ ມີ 28 ຄົນ ຈາກ ແຂວງ ສາລະວັນ 10 ຄົນ, ສະຫວັນນະເຂດ 10 ຄົນ, ຈໍາປາສັກ 6 ຄົນ, ນະຄອນຫຼວງວຽງຈັນ 2 ຄົນ.

Related Posts

Leave a Reply

Your email address will not be published. Required fields are marked *