ສອງສ່ຽວຍ່າງແຕ່ແຂວງອັດຕະປືກັບມາບ້ານແຂວງຄຳມ່ວນ,ໃຜພົບເຫັນຂໍຊ່ວຍເຫຼືອເພີ່ນແດ່.

ສອງສ່ຽວຢູ່ບ້ານ ນາຕະລູ້ມ ເມືອງ ມະຫາໄຊ ແຂວງ ຄໍາມ່ວນ ຕັດສິນໃຈກັດພັນສູ້ຊີວິດລົງໄປເຮັດວຽກຢູ່ສວນກ້ວຍຂອງຈີນແຫ່ງຫນຶ່ງທີ່ແຂວງ ອັດຕະປື ຕັ້ງແຕ່ເດືອນ7/2021

ຕາມການບອກເລົ່າຂອງທັງສອງ ຮອດວັນທີ 21/9/2021 ທັງສອງໄດ້ພາກັນຍ່າງມາແຕ່ແຂວງ ອັດຕະປື ເພື່ອຈະກັບບ້ານເກີດເມືອງນອນຂອງຕົນ.

ມາຮອດບ້ານ ນາທ່ອນ ເມືອງ ແລະ ແຂວງ ສາລະວັນ ຂອງວັນທີ 26/9/2021 ແລ້ວໄດ້ມາຂໍຄວາມຊ່ວຍເຫລືອນໍາພວກຂ້າໃຫ້ລັດລົດໃຫ້ແຕ່ບໍ່ມີໃຜກ້າເອົາພວກກ່ຽວໄປນໍາຍ້ອນທັງສອງຍັງບໍ່ທັນໄດ້ສັກຢາວັກຊິນ, ບໍ່ມີເອກະສານເດີນທາງຈາກຫນ່ວຍສະເພາະກິດຕ້ານໂຄວິດ, ມີແຕ່ໃບຢັ້ງຢືນທີ່ຢູ່ ພວກຂ້າໄດ້ໂທຫາຄອບຄົວພວກກ່ຽວກະວ່າບໍ່ມີຄວາມສາມາດມາຮັບໄດ້ ອີກຢ່າງກະຄືຮູ້ນໍາກັນດີວ່າຊ່ວງພະຍາດໂຄວິດນີ້ຢູູ່ໃສກະປິດບ້ານປິດເມືອງເສດຖະກິດກະຜືດເຄືອງ ເມື່ອເປັນເຊັ່ນນັ້ນພວກຂ້າໄດ້ຖາມທັງສອງວ່າ:

ຈະເຮັດແນວໃດດີ, ພວກກ່ຽວຕອບດ້ວຍນໍ້າສຽງເບົາໆວ່າ: ຊິພາກັນຍ່າງເມືອຕໍ່ ພວກຂ້າສຸດທີ່ອີດູຕົນສົງສານເລີຍໄດ້ເອົາເຂົ້າ, ອາຫານ ແລະ ນໍ້າດື່ມໃຫ້ທັງສອງ ແລ້ວພວກກ່ຽວກ່າວຄໍາຂອບໃຈ ແລະ ພາກັນຍ່າງຈາກໄປ.

ຖ້າຫາກວ່າຜູ່ໃດມີໃຈບຸນພົບເຫັນພວກກ່ຽວຈົ່ງມີໃຈເມດຕາຊ່ວຍເຫລືອພວກກ່ຽວທັງສອງດ້ວຍເທີ້ນ.

(ຂໍພາວະນາອວຍພອນໃຫ້ທັງສອງເດີນທາງດ້ວຍຄວາມປອດໄຟສູ່ອ້ອມກອດຂອງຄອບຄົວສຸດທີ່ຮັກ)

ທີ່ມາ

Related Posts

Leave a Reply

Your email address will not be published. Required fields are marked *