ທຳລາຍສວນກັນຊາ 4,2 ເຮັກຕາ ຢູ່ເຂດບ້ານອຸດົມໄຊ ປະເມີນມີນ້ຳໜັກ 22 ກວ່າໂຕນ

ທຳລາຍສວນກັນຊາ 4,2 ເຮັກຕາ ຢູ່ເຂດບ້ານອຸດົມໄຊ ປະເມີນມີນ້ຳໜັກ 22 ກວ່າໂຕນ

ວັນທີ 2 ພະຈິກ ນີ້,ເຈົ້າໜ້າທີ່ ປກຊ-ປກສ ເມືອງວຽງທອງ ແຂວງບໍລິຄໍາໄຊ ຮ່ວມກັບທະຫານກອງພັນ ງໍ 617 ແລະ ພາກສ່ວນກ່ຽວ ຂ້ອງເມືອງ ສົມທົບກັບການຈັດຕັ້ງບ້ານອຸດົມໄຊ ເມືອງວຽງທອງ ລົງກວດກາແກ້ໄຂການລັກລອບປູກຝິ່ນ ແລະກັນຊາ ຢູ່່ເຂດບ້ານດັ່ງກ່າວ.

ໃນການລົງກວດກາຄັ້ງນີ້,ພົບເຫັນສວນກັນຊາ ຈໍານວນ 8 ສວນ, ມີເນື້ອທີ່ ປະມານ 4,2 ເຮັກຕາ,ລວມມີ 4.447 ຂຸມຕົ້ນກັນຊາ ແລະ ໄດ້ທໍາລາຍດ້ວຍການຕັດ ແລ້ວຈູດຖີ້ມ.

ປະເມີນຈະມີນໍ້າໜັກ ປະມານ 22.235 ກິໂລກຼາມ ແລະ ສາມາດກັກຕົວເຈົ້າຂອງສວນຊາ ໄດ້ 1 ຄົນ ແລະ ອີກ 7 ສວນຊາ ແມ່ນຍັງບໍ່ທັນຮູ້ເຈົ້າຂອງ.

ຕໍ່ກັບສວນກັນຊາ ທີ່ຍັງບໍ່ທັນຮູ້ເຈົ້າຂອງນັ້ນ,ເຈົ້າໜ້າທີ່ ປກສ ແມ່ນຈະໄດ້ສືບຕໍ່ກວດກາຄືນ ເພື່ອຕິດຕາມກັກຕົວເຈົ້າຂອງສວນຊາ ມາດໍາເນີນຄະດີຕາມກົດໝາຍ.

ຂ່າວ-ພາບ: ນັກຂ່າວ ເມືອງວຽງທອງ

Related Posts

Leave a Reply

Your email address will not be published. Required fields are marked *