ກອງບັນຊາການ ປກສ ເມືອງບົວລະພາ ຂ.ຄຳມ່ວນ

ພິທີປະກາດການຈັດຕັ້ງຂັ້ນກອງບັນຊາການ,ຂັ້ນພະແນກ ປກສ ກຸ່ມ ແລະ ການເລື່ອນຊັ້ນໃຫ້ນາຍ ແລະ ພົນຕຳຫລວດ ຂອງກອງບັນຊາການ ປກສ ເມືອງບົວລະພາ

ໃນຕອນເຊົ້າຂອງວັນທີ 11 ພະຈິກ 2021 ທີ່ຜ່ານມານີ້ ຢູ່ທີ່ ສະໂມສອນ ເມືອງບົວລະພາໄດ້ຈັດ #ພິທີປະກາດການຈັດຕັ້ງຂັ້ນກອງບັນຊາການ, ຂັ້ນພະແນກ ປກສ ກຸ່ມ ແລະ ການເລື່ອນຊັ້ນໃຫ້ນາຍ ແລະ ພົນຕຳຫລວດ ໃນກຳລັງປ້ອງກັນຄວາມສະຫງົບ ເມືອງບົວລະພາຂຶ້ນ ໂດຍພາຍໃຕ້ການເປັນປະທານຂອງທ່ານ ບຸນກວ້າງ ແກ້ວບຸນຍົງ ເຈົ້າເມືອງໆບົວລະພາ ໃຫ້ກຽດເຂົ້າຮ່ວມໃນພິທີຄັ້ງນີ້ໂດຍທ່ານ ພັອ ທິບພະຈັນ ໂພໄຊ ກຳມະການພັກແຂວງ,ເລຂາຄະນະພັກ,ຫົວໜ້າກອງບັນຊາການ ປກສແຂວງ, ມີບັນດານາຍ ແລະ ພົນຕຳຫລວດໃນກຳລັງປ້ອງກັນຄວາມສະຫງົບ ເມືອງບົວລະພາ ແລະ ກຳລັງປ້ອງກັນຄວາມສະຫງົບແຂວງ ເຂົ້າຮ່ວມນຳຢ່າງພ້ອມພຽງ.

ທ່ານ ພັທ ບຸດສະດີ ແສງດາວັນ ກໍ່ໄດ້ຂຶ້ນຜ່ານຂໍ້ຕົກລົງ ຂອງກອງບັນຊາການ ປກສ ແຂວງຄຳມ່ວນສະບັບເລກທີ 1529/ປກສ ລົງວັນທີ 27/08/2021 ວ່າດ້ວຍການແຕ່ງຕັ້ງນາຍຕຳຫລວດ ທີ່ຂຶ້ນກັບກອງບັນຊາການ ປກສ ແຂວງຄຳມ່ວນ ແລະ ຂໍ້ຕົກລົງກອງບັນຊາການແຂວງຄຳມ່ວນ, ສະບັບເລກທີ 344/ປກສ.ຄມ ລົງວັນທີ 28/09/2021 ວ່າດ້ວຍການແຕ່ງຕັ້ງນາຍ

ແລະ ພົນຕຳຫລວດທີ່ຂຶ້ນກັບກອງບັນຊາການ ປກສ ແຂວງຄຳມ່ວນ ແລະ ຂໍ້ຕົກລົງຂອງກະຊວງປ້ອງກັນຄວາມຫົງບສະບັບເລກທີ 1951/ປກສ ລົງວັນທີ 12/10/2021 ວ່າດ້ວຍການເລື່ອນຊັ້ນໃຫ້ນາຍຕຳຫລວດຂອງກອງບັນຊາການ ປກສ ແຂວງຄຳມ່ວນ ຈາກນັ້ນ ຫ້ອງການເມືອງ ປກສ ແຂວງ ກໍ່ໄດ້ຂຶ້ນຜ່ານ ຂໍ້ຕົກລົງກະຊວງປ້ອງກັນຄວາມສະຫງົບ ສະບັບເລກທີ 1952/ປກສ ລົງວັນທີ 12/10/2021 ວ່າດ້ວຍການເລື່ອນຊັ້ນໃຫ້ນາຍຕຳຫລວດ ກອງບັນຊາການ ປກສ ແຂວງຄຳມ່ວນ

ແລະ ຂໍ່້ຕົກລົງຂອງກົມກອງໃຫຍ່ການເມືອງປ້ອງກັນຄວາມສະຫງົບ ສະບັບເລກທີ 2831/ປກສ ລົງວັນທີ 19/08/2021 ວ່າດ້ວຍການເລື່ອນຊັ້ນໃຫ້ນາຍຕຳຫລວດ ກອງບັນຊາການ ປກສ ແຂວງຄຳມ່ວນ ແລະ ຂໍ້ຕົກລົງຂອງກອງບັນຊາການ ປກສ ແຂວງຄຳມ່ວນ ສະບັບເລກທີ 348/ປກສ.ຄມ ລົງວັນທີ 30/09/2021 ວ່າດ້ວຍການເລື່ອນຊັ້ນໃຫ້ພົນຕຳຫລວດ ກອງບັນຊາການ ປກສ ແຂວງຄຳມ່ວນ.

ຈາກນັ້ນ ທ່ານ ພັທ ບຸດສະດີ ແສງດາວັນ ກໍ່ໄດ້ຜ່ານແຈ້ງການຂອງກອງບັນຊາການ ປກສ ແຂວງຄຳມ່ວນ ສະບັບເລກທີ 153/ປກສ.ຄມ ລົງວັນທີ 13/10/2021 ກ່ຽວກັບການເກັບກຳຂໍ້ມູນ ປກສ ກຸ່ມບ້ານ

ແລະ ຜ່ານຂໍ້ຕົກລົງຂອງກອງບັນຊາການ ປກສ ເມືອງບົວລະພາ ລົງວັນທີ 10/11/2021ວ່າດ້ວຍການຊັບຊ້ອນນາຍ ແລະ ພົນຕຳຫລວດທີ່ຂຶ້ນກັບກອງບັນຊາການ ປກສ ເມືອງໃນນັ້ນໄດ້ຮັບການເລື່ອນຊັ້ນໃໝ່ ທັງໝົດ 8 ທ່ານ ໃນນັ້ນ ພັຕ ຂຶ້ນ ພັທມີ 1 ທ່ານ, ຮທ ຂຶ້ນ ຮອ ມີ 1ທ່ານ, ວທ ຂຶ້ນ ຮຕ ມີ 4 ທ່ານ ແລະ ສອ ຂຶ້ນ ວທ ມີ 1 ທ່ານ.


ໃນຕອນທ້າຍຂອງພິທີດັ່ງກ່າວ ທ່ານ ພັອ ທິບພະຈັນ ໂພໄຊ ຫົວໜ້າກອງບັນຊາການ ປກສ ແຂວງຄຳມ່ວນ ກໍ່ໄດ້ຂຶ້ນໂອ້ລົມ ກ່ອນອື່ນໜົດທ່ານໄດ້ສະແດງຄວາມຍ້ອງຍໍຊົມເຊີຍທີ່ແຕ່ລະທ່ານໄດ້ປະຕິບັດກົດລະບຽບໃນການປະຈຳການໂມງເວລາ, ປະຕິບັດການນຸ່ງຖືເຄື່ອງແບບຖືກຕ້ອງຕາມເລົ່າຮົບວິຊາສະເພາະ

ແລະ ຮັກສາຄວາມສະຫງົບ ປາບປາມຢາເສບຕິດທີ່ແຜ່ລາມໃນສັງຄົມ ແລະ ພ້ອມກັນສະກັດກັ້ນທຸກປະກົດການຫຍໍ້ທໍ້ ຈາກນັ້ນທ່ານ ຍັງໄດ້ຮຽກຮ້ອງໃຫ້ບັນດາທ່ານໃນກຳລັງ ປກສ ເມືອງບົວລະພາ ເພີ່ມທະວີເອົາໃຈໃສ່ດ້ານແນວຄິດການເມືອງ ຕ້ອງມີຄວາມສາມັກຄີຊ່ວຍເຫຼືອເຊິ່ງກັນ

ແລະ ກັນຝຶກຝົນຕົນເອງດ້ານວິຊາສະເພາະ ພ້ອມກັນປົກປັກຮັກສາຄວາມສະຫົງບພາຍໃນບ້ານ ກໍ່ຄືໃນສັງຄົມໃຫ້ມີຄວາມສະຫົງບເປັນລະບຽບຮຽບຮ້ອຍໃນທຸກດ້ານ.


https://khammouanenews.com/ #ແຂວງຄໍາມ່ວນ

Related Posts

Leave a Reply

Your email address will not be published. Required fields are marked *