ເພື່ອເປົ້າໝາຍໃຫ້ປະຊາຊົນຮັ່ງມີຜາສຸກ, ປະເທດຊາດມີຄວາມສີວິໄລ-ກ້າວໜ້າແມ່ນ “ໄປໃຫ້ສຸດ-ຂຸດໃຫ້ເຖິງ ” ເດີນໃຫ້ເຖິງຈຸດໝາຍ,

“ເພື່ອເປົ້າໝາຍໃຫ້ປະຊາຊົນຮັ່ງມີຜາສຸກ, ປະເທດຊາດມີຄວາມສີວິໄລ-ກ້າວໜ້າ ແລະ ກ້າວໄປສູ່ການເປັນປະເທດຮັ່ງມີເຂັ້ມແຂງ ສູ່ຈຸດໝາຍສັງຄົມນິຍົມ.

ເປົ້າໝາຍ ທີ່ໄດ້ກ່າວມານັ້ນ, ແມ່ນສູງສົ່ງແຕ່ເສັ້ນທາງເດີນສຸດທິລະອິດລະອ້ຽວ, ຂ້ຽວຂາດ, ເສັ້ນທາງເດີນເສັ້ນນີ້ ບໍ່ຄືກັບ “ ເສັ້ນທາງທີ່ໂຮຍດ້ວຍດອກໄມ້ ” ແຕ່ຢ່າງໃດ, ເສັ້ນທາງນີ້ ຕ້ອງມີອຸປະສັກ ແລະ ທຸລະກັນດານ, ແຕ່ພວກເຮົາ ຕ້ອງສ້າງໃຫ້ມີຄວາມສາມາດຜ່ານໄປໄດ້, ຕ້ອງເດັດດ່ຽວ “ໄປໃຫ້ສຸດ-ຂຸດໃຫ້ເຖິງ ” ເດີນໃຫ້ເຖິງຈຸດໝາຍ, ນີ້ເປັນພາລະທີ່ທ້າທາຍຕໍ່ຄົນລຸ້ນໃໝ່ຂອງພວກເຮົາ.

ແຕ່ພວກເຮົາຄົນລຸ້ນນີ້ ຈະສະໜັບສະໜູນຊີ້ສ່ອງທາງເດີນໃຫ້ ແລະ ພວກເຮົາທີ່ກຳລັງມີໜ້າທີ່ຢູ່ດຽວນີ້ ຕ້ອງເຊື່ອໝັ້ນ ໃນຄວາມສາມາດຂອງຄົນລຸ້ນຕໍ່ໆໄປ.

ພວກເຮົາຕ້ອງກ້າຫານຝາກອະນາຄົດຂອງປະເທດຊາດໄວ້ນຳເຂົາເຈົ້າ, ພຽງແຕ່ຮຽກຮ້ອງໃຫ້ເຂົາເຈົ້າຕ້ອງເປັນລຸ້ນຄົນທີ່ໜັກແໜ້ນ, ຮັກຊາດ, ຮັກລະບອບປະຊາທິປະໄຕ ປະຊາຊົນ ທີ່ແທ້ຈິງ, ໃຫ້ເຂົາສ້າງຕົນເອງ ໃຫ້ເປັນຄົນລາວ ທີ່ໜັກແໜ້ນເຂັ້ມແຂງຂອງຊາດ ໃຫ້ເປັນລຸ້ນຄົນທີ່ : “ ຄິດໃຫ້ກວ້າງ, ມອງໃຫ້ໄກ, ໄປໃຫ້ຖືກ ” ເທົ່ານັ້ນ.

”.ຄັດຈາກ: ສູນທອນພົດ ຂອງທ່ານ ທອງລຸນ ສີສຸລິດ ປະທານປະເທດ, ເນື່ອງໃນໂອກາດ ວັນສະຖາປະນາ ສປປ.ລາວ ວັນທີ 2 ທັນວາ ຄົບຮອບ 46 ປີ.

Related Posts

Leave a Reply

Your email address will not be published. Required fields are marked *