ຄືກຄື້ນ ມີຄວາມໝາຍໃນພິທີເປີດເສັ້ນທາງລົດໄຟປະຫວັດສາດສອງຊາດລາວ-ຈີນ

ຕອນບ່າຍຂອງມື້ນີ້ 3 ທັນວາ 2021 ບັນດາການນຳໄດ້ພ້ອມກັນເຕົ້າໂຮມທີ່ສູນປະຊຸມແຫ່ງຊາດ ນະຄອນຫຼວງວຽງຈັນ ເພື່ອເປີດນຳໃຊ້ເສັ້ນທາລລົດໄຟລາວ-ຈີນ ສາຍທາງປະຫວັດສາດຢ່າງເປັນທາງການຮ່ວມກັນທາງ ສປ ຈີນ ນຳໂດຍເລຂາທິການໃຫຍ່ ປະທານປະເທດຂອງທັງສອງປະເທດເຂົ້າຮ່ວມໃນຮູບແບບທາງໄກ.

ໃນໂອກາດເປີດເສັ້ນທາງລົດໄຟ ທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວໄດ້ກ່າວວ່າ: ພິທີໃນມື້ນີ້ແມ່ນເປັນການເປີດສັກກະລາດໃໝ່ແຫ່ງການພັດທະນາພື້ນຖານໂຄງລ່າງທີ່ທັນສະໄໝ ຂອງ ສປປ ລາວ, ເປັນຄວາມເອກອ້າງທະນົງໃຈທີ່ເຮັດໃຫ້ຄວາມຝັນ, ຄວາມຄອງຄອຍຂອງປະຊາຊົນລາວປະກົດຜົນເປັນຈີງ, ສຳຄັນອີກອັນໜຶ່ງໂຄງການນີ້ຍັງເປັນສັນຍາລັກທາງປະຫວັດສາດທີ່ສຳຄັນໃຫ້ແກ່ສາຍພົວພັນຮ່ວມມືລະຫວ່າງ ສປປ ລາວ ແລະ ສປ ຈີນ.

ສປປ ລາວ ໄດ້ຕັ້ງໜ້າເຂົ້າຮ່ວມຜັນຂະຫຍາຍຂໍ້ລິເລີ່ມ “ໜຶ່ງແລວທາງໜຶ່ງເສັ້ນທາງ” ຂອງປະທານສີຈິ້ນຜິງ ແລະ ສປປ ລາວກໍ່ເປັນຜູ້ໄດ້ຮັບຜົນປະໂຫຍດໂດຍກົງຈາກນະໂຍບາຍ ແລະຂໍ້ລິເລີ່ມນີ້ຢ່າງແທ້ຈີງ. ໂຄງການລົດໄຟລາວ-ຈີນເປັນໂຄງການຮ່ວມມືທາງຍຸດທະສາດທີ່ສຳຄັນໃນການພັດທະນາຂອງສອງປະເທດ ແລະເປັນກຳລັງແຮງໃຫ້ ສປປ ລາວ ໃນການປະຕິບັດຍຸດທະສາດໃນການຫັນປະເທດທີ່ບໍມີຊາຍແດນຕິດກັບທະເລກາຍເປັນປະເທດທີ່ເຊື່ອມໂຍງເຊື່ອມຈອດຂອງພາກພື້ນໃຫ້ເປັນຮູບປະທຳ.

ໂຄງການລົດໄຟລາວ-ຈີນ ເປັນຂອງຂັວນອັນລ້ຳຄ່າໃຫ້ແກ່ປະຊາຊົນລາວໃນການ ສະຖາປະນາ ສປປ ລາວຄົບຮອບ 46 ປີ ທັງປະກອບສ່ວນເຂົ້າໃນການສະເຫຼີມສະຫຼອງວັນຄົບຮອບ 60 ປີຂອງການສ້າງຕັ້ງສາຍພົວພັນການທູດລາວ-ຈີນຄົບຮອບ 60 ປີຢ່າງມີຄວາມໝາຍເລກເຊິ່ງ. ໝາກຜົນຂອງຄວາມສຳເລັດນີ້ລ້ວນແຕ່ສະແດງໃຫ້ເຫັນເຖິງຈິດໃຈໃນການເປັນຄູ່ຮ່ວມມືຍຸດທະສາດໝັ້ນຄົງຍາວນານຕາມທິດ4ດີ ແລະເປັນສັນຍາລັກອັນສຳຄັນໃນຂະບວນການສ້າງຄູ່ຮ່ວມຊາຕາກຳລາວ-ຈີນ-ຈີນ-ລາວທີ່ນຳເອົາຜົນປະໂຫຍດຢ່າງແທ້ຈີງມາສູ່ປະຊາຊົນທັງສອງປະເທດ.

ທ່ານປະທານປະເທດກ່າວວ່າ: ພວກເຮົາຮັບຮູ້ວ່າການເປີດກວ້າງການຮ່ວມມືການສົ່ງເສີມການລົງທຶນ ແລະການທ່ອງທ່ຽວກັບຕ່າງປະເທດຂອງລາວນັ້ນ ອຸປະສັກອັນໜຶ່ງທີ່ສຳຄັນແມ່ນໂຄງລ່າງພື້ນຖານຄົມມະນາຄົມຍັງບໍ່ທັນສະດວກເຮັດໃຫ້ຕົ້ນທຶນການຂົນສົ່ງສູງ ດ້ວຍການຊ່ວຍເຫຼືອ ໂດຍຮັບການສະໜັບສະຫນູນຢ່າງແຂງແຮງ ແລະມີປະສິດທິຜົນຈາກ ສປ ຈີນຈິ່ງເຮັດໃຫ້ ສປປ ລາວມີເສັ້ນທາງດ່ວນ ແລະທາງລົດໄຟທີ່ທັນສະໄໝເຊື່ອມຕໍ່ຈາກນະຄອນຫຼວງວຽງຈັນເຖິງຊາຍແດນລາວ-ຈີນໄປເຖິງ ນະຄອນຄຸນໝິງຂອງຈີນ. ພະເຈົ້າເຊື້ອໝັ້ນວ່າ ລົດໄຟສາຍປະຫວັດສາດທີ່ເກີດຂຶ້ນຢູ່ບົນດິນແດນລາວນີ້ຈະສ້າງເງື່ອນໄຂໃໝ່ໃຫ້ແກ່ການພັດທະນາຮອບດ້ານຂອງ ສປປ ລາວ

ຂະນະທີ່ຝ່າຍທ່ານ ສີຈິ້ນຜິງ ປະທານປະເທດແຫ່ງ ສປ ຈີນກໍ່ໄດ້ກ່າວໃນພິທີເປີດວ່າ: ການເປີດນຳໃຊ້ເສັ້ນທາງລົດໄຟຈີນ-ລາວ, ລລາວ-ຈີນໃນມື້ນີ້ ແມ່ນມີຄວາມໝາຍສຳຄັນຍິ່ງຕໍ່ວັນສຳຄັນທາງປະຫວັດສາດຂອງສອງປະເທດກໍ່ຄືເນື່ອງໃນໂອກາດທີ່ສ້າງຕັ້ງສາຍພົວພັນການທູດຄົບຮອບ 60 ປີ, ພັກຄອມມູນິດຈີນສະແດງຄວາມຊົມເຊີຍຢ່າງສູງມາຍັງສອງປະເທດທີ່ໄດ້ພ້ອມກັນຊຸກຍູ້ໂຄງການລົດໄຟນີ້ຈົນປະສົບຜົນສຳເລັດຢ່າງຈົບງາມ.

ຢ້ອນກັບໄປໃນປີ 2015 ຂ້າພະເຂົ້າໄດ້ຮ່ວມກັບ ການນຳລາວໃນການວາງສີລາລຶກເລີ່ມກໍ່ສ້າງທາງລົດໄຟສາຍນີ້ ຈາກນັ້ນມາເສັ້ນທາງແມ່ນໄດ້ມີການກໍ່ສ້າງຢ່າງມີຄວາມຄືບໜ້າ, ຮອດມື້ນີ້ໄດ້ສຳເລັດໜ້າທີ່ການກໍ່ສ້າງຢ່າງມີຄຸນນະພາບສູງ ການຮ່ວມມືຕົວຈີງດັ່ງກ່າວໄດ້ສ່ອງແສງໃຫ້ເຫັນເຖິງ ການຮ່ວມມືສອງປະເທດທີ່ມີຜົນປະໂຫຍດໃຫ້ແກ່ກັນ ຫຼັງຈາກນີ້ພູຜາຈະບໍສູງ, ຫົນທາງຈະບໍຍາວອີກ ຂໍໃຫ້ສອງປະເທດສ້າງເສັ້ນທາງລົດໄຟໃຫ້ເປັນເສັ້ນທາງເງິນຄຳ ສ້າງຜົນປະໂຫຍດໃຫ້ສອງຊາດ.

ໝໍ່ໆມານີ້ຝ່າຍຈີນໄດ້ສົ່ງເສີມໃຫ້ປະຊາຊົນສົ່ງເສີມແນວທາງໜຶ່ງແລວທາງໜຶ່ງເສັ້ນທາງໃຫ້ຕ່າງຝ່າຍໄດ້ຮັບຜົນປະໂຫຍດ ແລະ ສປ ຈີນ ເອງແມ່ນຍີນດີຮ່ວມກັບ ສປປ ລາວ ແລະ ປະເທດທີ່ຢູ່ຕາມເສັ້ນທາງ ໃນການນຳໃຊ້ເສັ້ນທາງສາຍນີ້ໃຫ້ເກີດປະໂຫຍດສູງສຸດ ພ້ອມດຽວກັນ ຝ່າຍຈີນຈະສືບຕໍ່ສົ່ງເສີມໃຫ້ການສະໜັບສະໜູນໃນການພັດທະນາຊັບພະຍາຊັບພະຍາກອນມະນຸດຂອງລາວກ່ຽວກັບທາງລົດໄຟໃຫ້ກັບມາຮັບໃຊ້ວຽກງານທາງລົດໄຟຢ່າງມີປະສິດທີ່ຜົນ.

ພາຍຫຼັງການກ່າວເປີດຢ່າງເປັນທາງການຂອງປະທານປະເທດແຫ່ງ ສປປ ລາວ ແລະ ສປ ຈີນ ການນຳສູງສຸດສອງປະເທດໄດ້ມີຄຳສັ່ງບັນຊາໃຫ້ເຄື່ອນຂະບວນລົດໄຟໄປສູ່ຈຸດໝາຍປາຍທາງ ເບື້ອງລາວແມ່ນໃຫ້ເຄື່ອນຂະບວນຈາກນະຄອນຫຼວງວຽງຈັນໄປຍັງຊາຍແດນລາວ-ຈີນທີ່ບໍ່ເຕ່ນ, ສ່ວນທາງເບື້ອງຈີນແມ່ນໄດ້ເຄື່ອນຂະບວນລົດໄຟຈາກ ນະຄອນຄຸນໝິງ ມາຍັງບໍ່ຫານຊາຍແດນຈີນ-ລາວ ກ່ອນຈະເປີດໃຫ້ບໍລິການມວນຊົນຢ່າງເປັນທາງການໃນວັນທີ 3 ທັນວາ 2021 ນີ້ເປັນຕົ້ນ.

Related Posts

Leave a Reply

Your email address will not be published. Required fields are marked *