ບິວເກດ ປະຮ້າງ ເມລິນດາ ປິດສາກຊີວິດຄູ່ 27 ປີ “ບິວເກດ” ມະຫາເສດຖີໂລກຜູ້ກໍ່ຕັ້ງບໍລິສັດໄມໂຄຣຊອບ ປະກາດແຜນກຽມປະຮ້າງຈາກ“ເມລິນດາ ເກດ” ເມຍທີ່ໃຊ້ຊີວິດຄູ່ຮ່ວມກັນມາດົນເຖິງ 27 ປີ

ບິວເກດ ປະຮ້າງ ເມລິນດາ ປິດສາກຊີວິດຄູ່ 27 ປີ
“ບິວເກດ” ມະຫາເສດຖີໂລກຜູ້ກໍ່ຕັ້ງບໍລິສັດໄມໂຄຣຊອບ ປະກາດແຜນກຽມປະຮ້າງຈາກ“ເມລິນດາ ເກດ” ເມຍທີ່ໃຊ້ຊີວິດຄູ່ຮ່ວມກັນມາດົນເຖິງ 27 ປີ

ເວັບໄຊທ໌ ວໍສະຕີດ ເຈີນັສ ລາຍງານວ່າ ວັນຈັນ (3 ພຶດສະພາ) ວ່າ ບິວເກດ ແລະ ເມລິນດາ ເກດ ເຊິ່ງມີຊື່ສຽງເປັນທີ່ຮູ້ຈັກໃນທົ່ວໂລກ ເປີດເຜີຍການປະຮ້າງ ທາງບັນຊີທະວິດເຕີ ໂດຍລະບຸວ່າ“ ເຮົາໄດ້ຕັດສິນໃຈປິດສາກຊີວິດຄູ່ ຫຼັງຈາກໃຊ້ເວລາຄິດມາດົນ ແລະ ໃຊ້ຄວາມພະຍາຍາມຢ່າງຫຼວງຫຼາຍ ທີ່ຈະຮັກສາຄວາມສໍາພັນຂອງເຮົາໄວ້”

ບິວເກດ ແລະ ເມລິນດາ ເກດ ພົບກັນ ເທື່ອທໍາອິດ ທີ່ບໍລິສັດໄມໂຄຣຊອບ ໂດຍເມລິນດາ ເຮັດວຽກເປັນຜູ້ຈັດການຝ່າຍການຕະຫຼາດ ກ່ອນທີ່ທັງສອງຈະແຕ່ງງານກັນໃນປີ 1994 ແລະ ເມື່ອປີທີ່ແລ້ວ ບິວເກດ ລາອອກຈາກຕໍາແໜ່ງກໍາມະການບໍລິສັດ ເພື່ອຫັນມາເຮັດວຽກດ້ານການກຸສົນທີ່ຢູ່ທົ່ວໂລກຢ່າງເຕັມຕົວກັບເມຍຜ່ານ ມູນນິທິ ບິວ ແອນ ເມລິນດາ ເກດ ທີ່ກໍ່ຕັ້ງຕັ້ງແຕ່ປີ 2000

ເຖິງຢ່າງໃດກໍຕາມ ສື່ສໍານັກຂ່າວທັງຫຼາຍໃນອາເມລິກາ ລາຍງານວ່າ ໃນຂະນະນີ້ຍັງບໍ່ມີລາຍລະອຽດກ່ຽວກັບການຈັດການເລື່ອງຊັບສິນຂອງທັງຄູ່ ເຊິ່ງລວມເຖິງ ຫຸ້ນໃນບໍລິສັດ ໄມໂຄຣຊອບທີ່ ບິວ ເກດ ຖືຢູ່ໃນ 1.37% ສ່ວນຮ້ອຍ ມີມູນຄ່າຫຼາຍກ່ວາ 26.000 ລ້ານໂດລາສະຫະລັດ.

ທີ່ມາ:

Related Posts

Leave a Reply

Your email address will not be published. Required fields are marked *