ປະທານປະເທດຢ້ຽມຢາມສະໜາມໄຊ ຕິດຕາມການແກ້ໄຂຜົນກະທົບຈາກເຫດເຂື່ອນແຕກ

ອີງຕາມການລາຍງານຂອງວິທະຍຸກະຈາຍສຽງແຫ່ງຊາດ, ວັນທີ 15 ທັນວາ 2021 ທ່ານ ທອງລຸນ ສີສຸລິດ ປະທານປະເທດ ໄດ້ເຄື່ອນໄຫວຢ້ຽມຢາມພົບປະປະຊາຊົນຊາວເມືອງສະໜາມໄຊ ທີ່ໄດ້ຮັບຜົນກະທົບຈາກເຫດການສັນເຂື່ອນໄຟຟ້າເຊປຽນ-ເຊນໍ້ານ້ອຍແຕກ ເມື່ອປີ 2018 ທີ່ຫ້ອງການບ້ານດົງບາກໃໝ່ຫີນຄໍາ.

ໂອກາດດັ່ງກ່າວທ່ານປະທານປະເທດ ໄດ້ຮັບຟັງການລາຍງານສະພາບການແກ້ໄຂຜົນກະທົບ ແລະ ການຟື້ນຟູຫຼັງໄພພິບັດ ໂດຍສະເພາະໂຄງການກໍ່ສ້າງເຮືອນຢູ່ຖາວອນຈໍານວນ 700 ຫຼັງມູນຄ່າ 24 ລ້ານກວ່າໂດລາສະຫະລັດ ດ້ວຍທຶນຊົດເຊີຍຈາກບໍລິສັດຜູ້ພັດທະນາໂຄງການເຂື້ອນໄຟຟ້າເຊປຽນ-ເຊນໍ້ານ້ອຍ ມາຮອດປັດຈຸບັນສາມາດລົງມືກໍ່ສ້າງໄດ້ທັງໝົດ 700 ຫຼັງ, ທຽບໃສ່ແຜນລວມ 700 ຫຼັງປະຕິບັດໄດ້ 78% ຕາມສັນຍາແມ່ນໃຫ້ສໍາເລັດ 100% ໃນທ້າຍປີ 2021 ນີ້.

ໄດ້ສໍາເລັດ ແລະ ມອບໃຫ້ປະຊາຊົນເຂົ້າຢູ່ແລ້ວ 268 ຫຼັງ ໃນີ້ ບ້ານຫີນລາດ 67 ຫຼັງ, ບ້ານດອນບົກໃໝ່ແສງຈັນ 24 ຫຼັງ, ບ້ານດົງບາກ 177 ຫຼັງ, ໂຄງການກໍ່ສ້າງເຮືອນ 45 ຫຼັງ ດ້ວຍທຶນຊ່ວຍເຫຼືອຈາກລັດຖະບານໄທ ມູນຄ່າ 6 ຕື້ກວ່າກີບ ສໍາເລັດ 100% ໄດ້ມອບໃຫ້ປະຊາຊົນເຂົ້າຢູ່ໝົດແລ້ວ, ໂຄງການກໍ່ສ້າງເຮືອນ 66 ຫຼັງ ດ້ວຍທຶນຊ່ວຍເຫຼືອຈາກລັດຖະບານຍີ່ປຸ່ນມູນຄ່າ 9 ຕື້ກວ່າກີບ ສໍາເລັດ 100%

ແລະ ໄດ້ມອບໃຫ້ປະຊາຊົນເຂົ້າຢູ່ແລ້ວ, ວຽກຟື້ນຟູການຈັດສັນອາຊີບໃຫ້ແກ່ປະຊາຊົນ ໂດຍສະເພາະ ຟື້ນຟູດິນນາເດີມຂອງປະຊາຊົນ ໃນເນື້ອທີ່ 2,263 ເຮັກຕາ, ປີນີ້ປະຊາຊົນປູກເຂົ້າຕົວຈິງມີ 1,267 ເຮັກຕາ, 1,049 ຄອບຄົວ, ເຮັດນາຢອດ 700 ເຮັກຕາ, ນາປັກດຳ 567 ເຮັກຕາ, ເກັບກູ້ຜົນຜະລິດລວມໄດ້ 3,471 ໂຕນ, ໄດ້ຟື້ນຟູການກໍ່ສ້າງລະບົບຊົນລະປະທານ 4 ແຫ່ງ ມູນຄ່າ 59 ຕື້ກວ່າກີບ, ບ້ວງທຶນຂອງບໍລິສັດ SK ປະຕິບັດສໍາເລັດປະມານ 90%, ສາມາດສະໜອງນໍ້າໃຫ້ແກ່ການຜະລິດໃນລະດູແລ້ງປີນີ້ 910 ເຮັກຕາ ແລະ ວຽກງານອື່ນໆ ກໍ່ໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດ.

Related Posts

Leave a Reply

Your email address will not be published. Required fields are marked *