ນາຍົກສະມາຄົມບານເຕະໄທ ປະກາດອັດສີດເງີນ 10 ລ້ານບາດ ຖ້າຫາກລົ້ມຫວຽດນາມຜ່ານທະລຸເຂົ້າຮອບຊີງໄດ້.

ເຕັງແຊັມມາພົບກັນ ທີມຊາດໄທ ພົບ ທີມຊາດຫວຽດນາມ ການແຂ່ງຂັນບານເຕະຊີງແຊັມອາຊຽນ

ການແຂ່ງຂັນບານເຕະຊີງແຊັມອາຊຽນ ຫຼື AFF SUZUKI CUP 2020 ຮອບ 4 ທີມສຸດທ້າຍ ນັດທໍາອິດ ວັນທີ 23 ທັນວາ 2021 ນີ້ ເວລາ 19:30 ໂມງ ເອີ້ນໄດ້ວ່າເປັນຄູ່ລຸ້ນແຊ້ມ ເປັນການພົບກັນລະຫວ່າງ ທີມຊາດຫວຽດນາມ (ແຊັມເກົ່າ ເຊິ່ງໄດ້ແຊັມລາຍການນີ້ປີ 2008 ແລະ 2018 ) ພົບກັບ ທີມຊາດໄທ ແຊັມກຸ່ມ A (ເຈົ້າຂອງແຊັມ 5 ສະໄໝ 1996, 2000, 2002, 2014 ແລະ 2016).

ຜົນການແຂ່ງຂັນຜ່ານມາ ທີມຊາດໄທ ລົງແຂ່ງຂັນ 4 ນັດ ຊະນະທັງໝົດ ແລະ ຍິງໄດ້ເຖິງ 10 ປະຕູ, ເສຍພຽງປະຕູດຽວ ມີ 12 ຄະແນນ ເຂົ້າຮອບ 4 ທີມໃນຖານະແຊັມກຸ່ມ A.

ສ່ວນທີມຊາດຫວຽດນາມ ລົງສະໜາມ 4 ນັດ ຊະນະ 3 ແລະ ສະເໝີ 1 ນັດ ຍິງໄດ້ 9 ປະຕູ ແລະ ຍັງບໍ່ເສຍປະຕູມີ 10 ຄະແນນ ເຂົ້າຮອບໃນຖານະອັນດັບ 2 ກຸ່ມ B.

ນາຍົກສະມາຄົມບານເຕະໄທ ປະກາດອັດສີດເງີນ 10 ລ້ານບາດ ຖ້າຫາກລົ້ມຫວຽດນາມຜ່ານທະລຸເຂົ້າຮອບຊີງໄດ້.

“ໃນ​ຖາ​ນະນາຍົກ​ສະ​ມາ​ຄົມ​ ພ້ອມ​ມອບ​ເງິນ​​ສ່ວນ​ຕົວ 10 ລ້ານ​ບາດ ​ເພື່ອ​ປຸກລະດົມ​ຂວັນກຳລັງ​ໃຈໃຫ້​ນັກ​ກິລາ ແລະ ຄູຝຶກສອນ ຖ້າຫາກສາມາດຜ່ານເຂົ້າຮອບຊິງຊະນະເລີດໄດ້.”

Related Posts

Leave a Reply

Your email address will not be published. Required fields are marked *