Lao News

ໄທ ຢຶດຊີ້ນໝູນໍາເຂົ້າຈາກ ລາວ ຈໍານວນ 20 ໂຕນ

ໄທ ຢຶດຊີ້ນໝູນໍາເຂົ້າຈາກ ລາວ ຈໍານວນ 20 ໂຕນ

ໃນວັນທີ 22 ມັງກອນ 2022 ທີ່ຜ່ານມາ ໃນເວລາ 19:30 ທ່ານ ສະຫຼອງລັດ ຈັນສົ່ງແກ້ວ ຫົວໜ້າດ່ານກັກກັນສັດແຂວງມຸກດາຫານ ໄດ້ຮັບແຈ້ງວ່າມີການລັກລອບນໍາຊີ້ນໝູຈາກແຂວງສະຫວັນນະເຂດ ເຂົ້າໄປຍັງປະເທດໄທໂດຍຜ່ານຂົວມິດຕະພາບລາວ-ໄທ ແຫ່ງທີ 2 (ມຸກດາຫານ-ສະຫວັນນະເຂດ).

ຈາກການກວດສອບຂອງເຈົ້າໜ້າທີໄທໄດ້ກວດພົບຕູ້ຄອນເທັນເນີທີ່ມີກ່ອງກະດາດທີ່ບັນຈຸເຄື່ອງໄວ້ດ້ານໃນ ເມື່ອເປີດທາງໃນມີຊີ້ນໝູແຊ່ແຂງ ໂດຍສ່ວນໃຫຍ່ເປັນຊີ້ນໝູ 3 ຊັ້ນ ເຊິ່ງມີນໍ້າໜັກປະມານ 20 ໂຕນ ແລະ ຕົກເປັນເງິນປະມານ 1.7 ຕື້ກີບ.

ຈາກການສືບສວນຄົນຂັບລົດແມ່ນຜູ້ກ່ຽວບໍ່ຮູ້ວ່າພາຍໃນຕູ້ຄອນເທັນເນີຈະມີຊີ້ນໝູຢູ່ພາຍໃນ.ໃນຂະນີ້ ທາງເຈົ້າໜ້າທີ່ດ່ານກັກກັນສັດແຂວງມຸກດາຫານໄດ້ກ່າວວ່າ ຈາກການກວດສອບສິນຄ້າທີ່ບັນທຸກມາໃນຕູ້ຄອນເທັນເນີແມ່ນເປັນຊີ້ນໝູທີ່ລັກລອບເຂົ້າໄປປະເທດໄທ

ເຊິ່ງຈະມີຄວາມຜິດຖືກຈໍາຄຸກບໍ່ເກີນ 2 ປີ ຫຼື ປັບໄໝເປັນເງິນປະມານ 70 ລ້ານກີບ ແລະ ໃນຕອນນີ້ຊີ້ນໝູທີ່ກວດພົບນັ້ນໄດ້ຖືກຢຶດ ແລະ ນໍາໄປກວດຫາເຊື້ອພະຍາດຕາມມາດຕະການການປ້ອງກັນ ແລະ ຄວບຄຸມໂລກລະບາດ ແລະ ຈະມີການດໍາເນີນຄະດີເປັນຂັ້ນຕໍ່ໄປ.

ທີ່ມາ: ລາວໂພສ.

Related Articles

Leave a Reply

Your email address will not be published.

Back to top button