Lao News

ລົດຈິບ ໂຕໂຢຕ້າ ຟໍຈູນເນີ້ ອໍນິວ ສີດໍາ

ປກສ ແຂວງສະຫວັນນະເຂດຈັບກຸ່ມເປົ້າໝາຍຄ້າ-ຂາຍຢາເສບຕິດໄດ້ 6 ຄົນພ້ອມຂອງກາງ 10 ມັດ

—————————————————————— ໃນວັນທີ 15 ມີນາ 2022ນີ້, ເຈົ້າໜ້າທີ່ ປກສ ເມືອງ ຈໍາພອນ ແຂວງ ສະຫວັນນະເຂດ, ໄດ້ກັກຕົວເປົ້າໝາຍຄ້າ-ຂາຍຢາເສບຕິດ (ຢາບ້າ)ໄດ້ 1 ຄົນ ຄື: ທ້າວ ແຍ້ມ ອາຍຸ 46ປີ, ອາຊີບ ເຮັດນາ ບ້ານ ກະຫຼາງເໜືອ ເມືອງ ຈໍາພອນ ແຂວງ ສະຫວັນນະເຂດ, ພ້ອມຂອງກາງຢາເສບຕິດ(ຢາບ້າ) ຈໍານວນ 10ມັດ ເທົ່າກັບ 20.000 ເມັດ, ລົດຈັກຮອນດ້າ ເວັບ 01 ຄັນ,

_

ຜ່ານການສືບສວນ-ສອບສວນເບື້ອງຕົ້ນ ທ້າວແຍ້ມ ໃຫ້ການຊັດທອດວ່າ ຊື້ຢາບ້າ ມາຈາກ ທ້າວ ໜຸກ ກົງມະນີວັນ ອາຍຸ 35 ປີ, ຢູ່ ບ້ານ ນາຟອງທ່າ ເມືອງ ສອງຄອນ,

ຈາກນັ້ນທາງເຈົ້າໜ້າທີ່ ປກສ ເມືອງ ຈໍາພອນ ຈຶ່ງໄດ້ປະສານສົມທົບກັບເຈົ້າໜ້າທີ່ພະແນກຕໍາຫຼວດສະກັດກັ້ນ – ຕ້ານຢາເສບຕິດ ປກສ ແຂວງ ແລະ ເຈົ້າໜ້າທີ່ ປກສ ເມືອງ ສອງຄອນ ລົງຕິດຕາມຈັບຕົວເປົ້າໝາຍຊັດທອດດັ່ງກ່າວ ຈົນຮອດເວລາປະມານ 10 ໂມງ ວັນດຽວກັນ, ສາມາດກັກຕົວຜູ້ຮ່ວມຂະບວນການໄດ້ອີກ 05 ຄົນ, ຄື: ທ້າວ ໜຸກ ກົງມະນີວັນ ອາຍຸ 33ປີ, ອາຊີບ ເຮັດນາ, ບ້ານ ນາຟອງທ່າ ເມືອງ ສອງຄອນ ແຂວງ ສະຫວັນນະເຂດ, ທ້າວ ແສງສຸລິນ ຫຼື ຫວານ ອາຍຸ 22 ປີ, ອາຊີບ ເຮັດນາ, ບ້ານ ກະຫຼາງເໜືອ, ທ້າວ ຈ່ອຍ ອາຍຸ 35 ປີ, ອາຊີບ ເຮັດນາ, ບ້ານ ນາກະທ້າງ ທັງສອງຢູ່ເມືອງ ຈໍາພອນ ແຂວງ ສະຫວັນນະເຂດ, ທ້າວ ແກ່ນຈັນ ອາຍຸ 46 ປີ, ອາຊີບ ກໍາມະກອນ ແລະ ທ້າວ ຈັນທະຈອນ ຫຼື ຫວຽດ ອາຍຸ 35 ປີ, ອາຊີບ ກໍາມະກອນ, ທັງສອງຢູ່ບ້ານ ໜອງພະຍາ ເມືອງ ໄຊທານີ ນະຄອນຫຼວງວຽງຈັນ, ພ້ອມເຄື່ອງຂອງກາງ ຢາບ້າທີ່ຢຶດໄດ້ນຳພວກກ່ຽວນຳພວກກ່ຽວທີ່ຊັດທອດກັນ ຈໍານວນ 10 ມັດ, ລົດຈິບ ໂຕໂຢຕ້າ ຟໍຈູນເນີ້ ອໍນິວ ສີດໍາ ປ້າຍທະບຽນ ຫບ 2999 ກໍາແພງນະຄອນ,

ລົດກະບະ ໂຕໂຢຕ້າ ລີໂວ ສີ ປອນເງິນ ປ້າຍທະບຽນ ກມ 1582 ກໍາແພງນະຄອນ,

ລົດຈັກ 04 ຄັນ ບໍ່ມີປ້າຍທະບຽນ,

_

ໂທລະສັບ ມືຖື 09 ໜ່ວຍ, ເງິນກີບ ຈໍານວນ 1.130.000 ກີບ ( ຫນຶ່ງລ້ານຫນຶ່ງແສນສາມສິບພັນກີບ ), ເງິນບາດ 224.000 ບາດ (ສອງແສນຊາວສີພັນບາດ),

ແລ້ວນຳເອົາຕົວທັງ 06 ຄົນ,ພ້ອມຂອງກາງທັງໝົດ ຂຶ້ນມາດໍາເນີນຄະດີຕາມຂັ້ນຕອນຂອງກົດໝາຍ, ສວນຄະດີດັ່ງກ່າວ ເຈົ້າໜ້າທີ່ ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຍັງດໍາເນີນການ ສືບສວນ – ສອບສວນ ເພື່ອສືບຕໍ່ຂະຫຍາຍຜົນຫາກຸ່ມແກ້ງຜູ້ຮ່ວມຂະບວນການ ມາລົງໂທດ ຕາມລະບຽບກົດຫມາຍຕໍ່ໄປ.

Related Articles

Leave a Reply

Your email address will not be published. Required fields are marked *

Back to top button