Lao News

ອົງການສືບລັບເຢຍຣະມັນ ອ້າງວ່າ ການດັກຟັງສະແດງໃຫ້ເຫັນ ການສົນທະນາຂອງຣັດເຊຍ ກ່ຽວກັບການສັງຫານພົນລະເຮືອນຢູເຄຣນ

ບັນດາເຈົ້າໜ້າທີ່ສືບລັບຂອງເຢຍຣະມັນກ່າວວ່າ ພວກເຂົາໄດ້ລັກຟັງການສື່ສານ ທາງວິທະຍຸ ຊຶ່ງພວກທະຫານຣັດເຊຍໄດ້ສົນທະນາກັນກ່ຽວກັບການສັງຫານພົນລະເຮືອນ ຢູ່ໃນຢູເຄຣນຢ່າງບໍ່ເລືອກໜ້າ ໂດຍໄດ້ບັ່ນທອນຄຳກ່າວອ້າງຂອງມົສກູທີ່ວ່າ ຄວາມໂຫດຮ້າຍທັງຫຼາຍເປັນການກະທຳພາຍຫຼັງທີ່ກອງກຳລັງທະຫານ ຂອງຕົນໄດ້ຖອຍອອກຈາກເຂດຊານເມືອງ ໃກ້ກັບນະຄອນຫຼວງກີຢິບ ທີ່ຕົນໄດ້ ຢຶດຄອງເທົ່ານັ້ນ.

ບັນດາເຈົ້າໜ້າທີ່ດັ່ງກ່າວ ຜູ້ທີ່ໄດ້ສະຫລຸບໂດຍຫຍໍ້ ໃຫ້ບັນດາສະມາຊິກຂອງສະ ພາຟັງ ໃນວັນພຸດທີ່ຜ່ານມານີ້ ຊຶ່ງໄດ້ອະທິບາຍການສື່ສານສອງຄັ້ງ ທີ່ຕ່າງກັນພາຍໃນກຸ່ມພວກທະຫານຣັດເຊຍ ທີ່ໄດ້ບັນລະຍາຍເຖິງວິທີທີ່ພວກເຂົາໄດ້ສອບຖາມພວກທະຫານຢູເຄຣນ ແລະພົນລະເຮືອນຕ່າງໆກ່ອນທີ່ຈະຍິງສັງຫານພວກເຂົາ.

ໜັງ​ສື​ພິມ Der Spiegel ໄດ້ລາຍງານວ່າ ສາມາດໄດ້ຍິນ ທະຫານຣັດເຊຍຄົນນຶ່ງ ບັນລະຍາຍເຖິງວິທີທີ່ລາວໄດ້ຍິງ ຄົນຜູ້ນຶ່ງ ທີ່ຂີ່ລົດຖີບ ແນວໃດ.

ເມື່ອຕົ້ນອາທິດນີ້ ພາບຖ່າຍທາງອາກາດທີ່ໄດ້ໄດ້​ຮັບ​ການຢັ້ງຢືນຢ່າງເປັນອິດສະ ຫລະໂດຍໜັງສືພິມ ນິວຢອກໄທມສ໌ (New York Times) ສະແດງໃຫ້ເຫັນລົດຫຸ້ມເກາະຂອງຣັດເຊຍ ໄດ້ຍິງໃສ່ພົນລະເຮືອນຜູ້ທີ່ຂີ່ລົດຖີບຢູ່ໃນເມືອງບູຊາ. ມັນບໍ່ເປັນທີ່ຈະແຈ້ງວ່າ ຄົນຜູ້ທີ່ຢູ່ໃນພາບວີດີໂອເປັນຄົນຜູ້ດຽວກັນກັບທີ່ໄດ້ກ່າວ ເຖິງ ຢູ່ໃນຄຳເວົ້າຜ່ານທາງວິທະຍຸນັ້ນ ຫຼືບໍ່.

Related Articles

Leave a Reply

Your email address will not be published.

Back to top button