Lao News

ເຈົ້າໜ້າທີ່ກອງຕຳຫຼວດຈະລາຈອນເຮັດແທ້ ກວດລ້າງ ກຸ່ມແກ້ງ ,ຂັບຂີ່ລົດໄວກວນເມືອງ,

ເຈົ້າໜ້າທີ່ກອງຕຳຫຼວດຈະລາຈອນ ກອງບັນຊາການປກສ ເມືອງປາກລາຍ ເຮັດແທ້ ກວດລ້າງ ກຸ່ມແກ້ງ ,ຂັບຂີ່ລົດໄວກວນເມືອງ,ດັດແປງສະພາບເຕັກນິກລົດ.

ອີງໃສ່ ຄຳສັ່ງເລກທີ່ 188 / ນຍ ວ່າດ້ວຍການປັບໃໝ່ຕໍ່ຜູ່ລະເມີດ ກົດລະບຽບຈະລາຈອນ ແລະ ອີງໃສ່ຄຳສັ່ງແນະນຳເລກທີ່ 829/ປກສ ຂອງ ທ່ານລັດຖະມົນຕີ ກະຊວງປ້ອງກັນຄວາມສຫົງບ ວ່າດ້ວຍການສະກັດກັ້ນ ແລະ ແກ້ໄຂກຸ່ມແກ້ງ ຂັບຂີ່ລົດໄວ ກວນເມືອງ ແລະ ດັດແປງສະພາບເຕັກນິກລົດ ຫຼືບໍ່ຕິດປ້າຍ ແລະ ອີງຕາມ ຂໍ້ຕົກລົງຂອງກອງບັນຊາການ ປກສ ເມືອງປາກລາຍສະບັບເລກທີ່ 419/ປກສ.ມປລ ລົງວັນທີ່ 30ເມສາ 2022 ວ່າດ້ວຍລົງກວດກາຮັກສາຄວາມສະຫງົບໃນຂອບເຂດ,ເມືອງປາກລາຍ ແຂວງໄຊຍະບູລີ.

ໃນວັນທີ່ 25 ພຶດສະພາ 2022 ຢູ່ທີ່ ກອງ ບັນຊາການ ປກສ ເມືອງປາກລາຍ ແຂວງໄຊຍະບູລີ ເຈົ້າໜ້າທີ່ ກອງຕຳຫຼວດຈະລາຈອນ ປກສ ເມືອງປາກລາຍ ໄດ້ແຈ້ງເຊີນໃຫ້ບັນດາ ນັກຂັບຂີ່ ແລະ ພໍ່-ແມ່ ຜູປົກ,ມາເຮັດບົດບັນທຶກ ສຶກສາອົບຮົມ,ກ່າວເຕືອນ ຕໍ່ຜູ່ລະເມີດ ກົດລະບຽບ ຈະລາຈອນ ໃນຕົວເມືອງປາກລາຍ,ໂດຍເປັນກຽດເຂົ້າຮ່ວມ ຂອງທ່ານ ພັທ ພູໄຊ ເມກຕະກຸນ ຄະນະພັກຮາກຖານ ຮອງຫົວໜ້າ ກອງບັນຊາການ ປກສ ເມືອງປາກລາຍ ຜູ່ຊີ້ນຳ ວຽກງານ ພະແນກຕຳຫຼວດ ມີບັນທ່ານ ພັທ ອານໂພທິໄຕ ຮອງພະແນກຕຳຫຼວດ ຜູ່ຊີ້ນຳ ກອງຕຳຫຼວດ ຈະລາຈອນ,ມີພະນັກງານວິຊາການ ຕຳຫຼວດຈະລາອນ,ກຸ່ມບ້ານ ສຸວັນນະພູມ ປກສ ເມືອງປາກລາຍ, ແລະ ພໍ່-ແມ່ ຜູ່ປົກຄອງ,ນັກຂັບຂີ່ຜູ່ກະທຳຜິດເຂົ້າຮ່ວມຢ່າງພ້ອມພຽງ.

ຈາກນັ້ນ ຮທ ໂຈ້ ສີວິໄລ ຮອງກອງຈະລາຈອນ ປກສ ເມືອງ ປາກລາຍ ໄດ້ຂຶ້ນຜ່ານຜົນຂອງການຈັດຕັ້ງປະຕິບັດລົງເກັບກຳຕິດຕາມກວດກາຕົວຈິງ ຂອງເຈົ້າໜ້າທີ່ ກອງຕຳຫຼວດຈະລາຈອນ ປກສ ເມືອງປາກລາຍ ໄດ້ແຈ້ງໃຫ້ຮູ້ວ່າ:ອີງຕາມຂໍ້ຕົກລົງ ຂອງກອງບັນຊາການ ປກສ ເມືອງປາກລາຍ ເລກທີ່ 419/ ປກສ.

ມປລ ລົງວັນທີ່ 30 ເມສາ 2022 ແລະ ອີງຕາມແຜນວຽກປະຈຳອາທິດ,ອີງຕາມການລົງກວດກາຕົວຈິງໃນ ວັນທີ່ 30 ເມສາ 2022 ທີ່ຜ່ານມານີ້ ເຈົ້າໜ້າທີ່ ຕຳຫຼວດຈະລາຈອນ,ໄດ້ສົມທົບ ປກສ ກຸ່ມບ້ານ,ປກສ-ປກຊ ບ້ານ ໃນເຂດບ້ານ ສຸວັນນະພູມ ເມືອງປາກລາຍ ແຂວງໄຊຍະບູລີ ກວດກາພົບເຫັນນັກຂັບຂີ່ ບໍ່ເຖິງກະສຽນອາຍຸ ແລ່ນລົດໄວ,ໃຊ້ສຽງເນືອງນັນ,ດັດແປງສະພາບເຕັກນິກລົດ(ດັດແປງທໍ່ອາຍເສຍ),ຢາງນ້ອຍບໍ່ໄດ້ມາດຖານ,ບໍ່ມີເອກະສານລົດ,ບໍ່ມີໃບອານຸຍາດຂັບຂີ່ ແລະ ຂັບຂີ່ລົດໄວເປັນກຸ່ມແກ້ງ,ກວດກາພົບເຫັນມີຜູ້ລະເມີດທັງໝົດຈຳນວນ 15 ຄົນ,ມີຈຳນວນ 15 ຄັນ,ຈຶ່ງກັກໄວ້ຊົ່ວຄາວ ແລະ ຂຽນໃບສັ່ງຕາມການກະທຳຜິດ ຂອງນັກຂັບຂີ່ ເພື່ອແກ້ໄຂຕາມລະບຽບລັກການ.

ລົດຈຳນວນ ດັ່ງກ່າວ ທາງເຈົ້າໜ້າທີ່ ຕຳຫຼວດຈະລາຈອນ ປກສ ເມືອງປາກລາຍ ໄດ້ເຮັດບົດບັນທຶກແກ້ໄຂຄະດີ ກ່າວເຕືອນ ຕາມຮູບການຂອງຜູ່ຂັບຂີ່ກະທຳຜິດ ພ້ອມດ້ວຍ ກັບພໍ່ແມ່ ຜູ່ປົກຄອງ ພ້ອມທັງໃຫ້ເຈົ້າຂອງລົດເອົາອຸປະກອນເດີມຂອງລົດມາປ່ຽນໃນສະພາບເດີມ ແລະ ປັບໃໝ ຕາມລະບຽບລັກການ ດຳລັດເລກທີ່ 188/ ນຍ.ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.ຈຶ່ງປ່ອຍອອກໄປໄດ້.

ໃນຕອນທ້າຍ ຍັງໄດ້ຮັບການໂອ້ລົມ ຂອງ ທ່ານ ພັທ ພູໄຊ ເມກຕະກຸນ ຄະນະພັກຮາກຖານ ຮອງຫົວໜ້າກອງບັນຊາການ ປກສ ເມືອງປາກລາຍ ກ່ອນອື່ນທ່ານຍັງໄດ້ເປັນຫ່ວງເປັນໄຍ ຕໍ່ພໍ່-ແມ່ ຜູ່ປົກຄອງ ແລະ ລູກຫຼານຂອງຕົນເອງ,ທີ່ຈະຕ້ອງພ້ອມກັນເອົາໃຈໃສ່ ໃນການຂັບຂີ່,ເປັນເຈົ້າການຮັກສາ ຄວາມບໍ່ສະຫງົບໃນສັງຄົມ,ເປັນຕົ້ນແມ່ນ ດີ່ມສິ່ງມືນເມົາແລ້ວຂັບຂີ່ລົດໄວ,ໃຊ້ສຽງດັງ ກາຍໂມງ ໃນຍາມກາງຄືນທີ່ໄດ້ກຳນົດ,ຂັບຂີ່ລົດເປັນກຸ່ມແກ້ງ.

ເຮັດໃຫ້ສັງຄົມບໍ່ມີຄວາມສະຫງົບ,ເພື່ອເຫຼີກລ້ຽງປາສະຈາກບໍ່ໃຫ້ເກີດອຸບັດຕິເຫດຕາມທ້ອງຖະໜົນຫຼວງ,ທັງນີ້ກໍ່ເພື່ອເຮັດໃຫ້ຜູ່ເຂົ້າຮ່ວມໄດ້ຮູ້ການກະທຳຜິດຂອງຕົນ,ຮູ້ກິນແໜງແຄງໃຈ ຕໍ່ການກະທຳຜິດຂອງຕົນເອງ,ເພື່ອສ້າງໃຫ້ເມືອງປາກລາຍ ມີສະຖຽນລະພາບ ທ້າງດ້ານການເມືອງ ສັງຄົມມີຄວາມສະຫົງບ ມີລະບຽບວິໄນ ຢ່າງເຂັມງວດ ທັງເປັນການ ລຸດຜ່ອນ ບໍ່ໃຫ້ເກີດ ອຸບັດຕິເຫດພາຍໃນເມືອງ ລົດນ້ອຍຖອຍລົງ ເທື່ອລະກ້າວ.

ໂດຍ:ບຸນສີ ພາດີ

Related Articles

Leave a Reply

Your email address will not be published.

Back to top button