ກອງປະຊຸມສຸດຍອດຜູ້ນຳສະຫະພາບເອີຣົບ (EU)ວາລະພິເສດ ຢູ່ນະຄອນຫລວງບຣຸກແຊນຂອງແບນຊຶກ ປິດລົງໃນມື້ທຳອິດຈາກທັງໝົດ 2 ວັນ ໂດຍຜູ້ນຳEU ເຫັນພ້ອມຂໍ້ຕົກລົງໃຫ້ຫລຸດການນຳເຂົ້ານ້ຳມັນຈາກຣັດເຊຍ 90% ພາຍໃນປີນີ້.
ທັງນີ້, ກອງປະຊຸມດັ່ງກ່າວໃຊ້ເວລາຫລາຍຊົ່ວໂມງໃນການຫາທາງອອກສຳລັບອຸປະສັກ ແລະ ປັດໄຈທີ່ແຕກຕ່າງກັນຂອງປະເທດສະມາຊິກ ໂດຍມີຮົງກາລີທີ່ເປັນຕົວຫລັກໃນການຄັດຄ້ານການຫ້າມນຳເຂົ້ານໍ້າມັນຣັດເຊຍທັງໝົດ.
ເຊິ່ງຜູ້ນຳ EU ເຫັນພ້ອມວ່າ: ມາດຕະການຫ້າມນຳເຂົ້ານໍ້າມັນດັ່ງກ່າວຈະຍົກເວັ້ນສຳລັບຮົງກາລີ ເນື່ອງຈາກເປັນປະເທດທີ່ບໍ່ມີທາງອອກສູ່ທະເລ ແລະ ຕ້ອງອາໄສນໍ້າມັນດິບທີ່ສົ່ງຜ່ານທໍ່ຈາກຣັດເຊຍ, ສ່ວນປະເທດທີ່ບໍ່ມີທາງອອກສູ່ທະເລອື່ນໆ ຄືສະໂລວາເກຍ ແລະ ສ.ເຊັກ ຂໍເວລາເພີ່ມຂຶ້ນເນື່ອງຈາກຍັງຕ້ອງອາໄສນໍ້າມັນຈາກຣັດເຊຍ.
ອ້າງອີງ:
-https://www.bbc.com/news/worldeurope-61638860
+https://www.reuters.com/world/europe/epledge-support-ukraine-not-ready-withnew-russia-sanctions-2022-05-30/
