ລູກຄ້າ ” ກາຍເປັນໂຈນ “
………….
ໃນຄືນ ວັນທີ 8 ກໍລະກົດ 2022 ທີ່ຫລັກ 7 ນະຄອນປາກເຊ ແຂວງຈຳປາສັກ ໄດ້ມີການນັດຊື້-ຂາຍ ລົດຈັກກັບຊາຍຄົນຫນຶ່ງທີ່ຕິດຕໍ່ຊື້ທາງໂທລະສັບ ຈາກນັ້ນ ຜູ້ມາຊື້ຂໍລອງລົດ, ພໍຂັບໄປຮອດໄລຍະຫນຶ່ງ ໄດ້ຈອດລົດ ແລະ ໃຊ້ໄມ້ຕີເຈົ້າຂອງລົດໄດ້ຮັບບາດເຈັບສົມຄວນ, ເກີດການຕໍ່ສູ້ກັນສາມາດຈັບໂຈນໄດ້.
ຜູ້ບາດເຈັບເລົ່າວ່າ : ຜູ້ຊາຍຄົນໃນຮູບ ເປັນຄົນບ້ານຫນອງບົວໃຫຍ່ ເມືອງປະທຸມພອນ ແຂວງຈຳປາສັກ ໄດ້ສັ່ງຊື້ລົດນຳຂ້ອຍແລ້ວນັດເບີ່ງລົດ ຫລັງຈາກຜູ້ກ່ຽວເຫັນລົດແລ້ວກໍຕົກລົງຈະຊື້ ແລະ ຂໍລອງລົດ ຂ້ອຍກະໄປນຳລາວຢ້ານລາວໄປເລີຍ; ພໍໄປຮອດໄລຍະຫນຶ່ງ ລາວຈອດລົດ ເພື່ອຖ່າຍເບົາເບົາ ຂ້ອຍກະນັ່ງຄາບລົດໄວ້ແລ້ວເອົາກະແຈໃສ່ຖົງ ຫລັງຈາກເບົາແລ້ວ ລາວຍ່າງມາຫາລົດແລ້ວເອົາໄມ້ຄ້ອນຊິຕີໃສ່ຫົວ ແຕ່ເຫັນກ່ອນຈິ່ງຫລົບໄດ້ທັນ ແຕ່ກໍຖືກຕີໃສ່ຫລັງ 2 ບາດ ບາດເຈັບສົມຄວນ.
ຈາກນັ້ນ ກໍໄດ້ຕໍ່ສູ້ກັນ ແລ້ວກະເອີ້ນຄົນແຖວນັ້ນມາຊ່ວຍ ຈຶ່ງສາມາດຈັບໂຈນໄດ້ ແລະ ໄດ້ມອບໃຫ້ເຈົ້າຫນ້າທີ່ໃຫ້ເຈົ້າຫນ້າທີ່ນໍາໄປດຳເນີນຄະດີ.
