ເກີດອຸບັດຕິເຫດ ລົດ 12 ລໍ້ ຕົກເຫວ ຢູ່ຫຼວງພະບາງ ມີຜູ້ເສຍຊີວິດ 2 ຄົນ.
ຫນ່ວຍກູ້ຊີບອົງການກາແດງລາວ ແຂວງຫລວງພະບາງ ລາຍງານວ່າ: ວັນທີ 21 ສິງຫາ 2022 ເວລາ 22:30 ນາທີ ໄດ້ຮັບແຈ້ງຈາກປະຊາຊົນເຂົ້າເບີ 0711625 ວ່າມີອຸບັດຕິເຫດລົດ12 ລໍ້ຕົກເຫວ
ທີ່ບ້ານ ສີບຸນເຮືອງເມືອງນ້ຳບາກ ແຂວງຫລວງພະບາງ ເມື່ອທີມງານກູ້ຊີບອົງການກາແດງລາວອອກກວດສອບພົບຜູ້ເສຍຊີວິດຄາທີ່ຕິດຢູ່ພາຍໃນລົດ 2 ຄົນ, ຍິງ 1 ຄົນ:
– ຜູ້ທີ່1ຊື່: ທ.ບຸນທັນ, ອາຍຸ: 49 ປີ, ສັນຊາດ: ລາວ ບ້ານຢູ່ປັດຈຸບັນບ້ານຫານ, ເມືອງ: ຫົງສາ,ແຂວງ: ໄຊຍະບູລີ
-ຜູ້ທີ່2ຊື່ ນ.ອຳໄພ ອາຍຸ 43ປີ, ສັນຊາດລາວ, ບ້ານ ຢູ່ປັດຈຸບັນບ້ານຫານ, ເມືອງຫົງສາ,ແຂວງໄຊຍະບູລີ.
ທີມງານຫນ່ວຍກູ້ຊີບອົງການກາແດງລາວໄດ້ໃຊ້ເຄື່ອງຕັດຖາງໃນການຕັດຊາກລົດເພື່ອເອົາຜູ້ເສຍຊີວິດອອກຈາກລົດແລ້ວຫໍ່ສົບຜູ້ເສຍຊີວິດແລ້ວນຳສົ່ງໂຮງເຢັນໂຮງຫມໍແຂວງຫລວງພະບາງ.
ຂໍສະແດງຄວາມເສຍໃຈມາຍັງຄອບຄົວແລະຍາດພີ່ນ້ອງຂອງຜູ້ເສຍຊີວິດຂໍໃຫ້ດວງວິນຍານຂອງຜູ້ເສຍຊີວິດໄປສູ່ພົບພູມທີ່ດີດ້ວຍເທີ້ນ🙏🙏🙏🙏
ຂ່າວ-ພາບ: ຫນ່ວຍກູ້ຊີບອົງການກາແດງລາວ ແຂວງຫລວງພະບາງ
