ຫລອນຢາ ໃຊ້ຈົກສັບເມຍ ເສຍຊີວິດ.
………..ເກີດເຫດຜົວຫລອນຢາບ້າ ຫລຽວເບິ່ງຫນ້າເມຍ ຄິດວ່າ ເມຍມີຊູ້ ຈິ່ງເອົາຈົກສັບຫົວເມຍ ຢູ່ຖຽງນາ ເສຍຊີວິດຄາທີ່.
ເຈົ້າຫນ້າທີ່ໃຫ້ຮູ້ວ່າ: ເຫດການດັ່ງກ່າວເກີດຂຶ້ນໃນວັນທີ 27 ກໍລະກົດ 2022 ທີ່ຜ່ານມາ ຢູ່ບ້ານງາຍເຫນືອ ເມືອງບຸນເຫນືອ ແຂວງຜົ້ງສາລີ, ກ່ອນເຫດເຫດ ທ້າວ ຄຳຕຸ້ຍ ອາຍຸ 37 ປີ ເສບຢາບ້າຈົນຫລອນ ເກີດຄວາມຫຶງຫວງຄິດວ່າເມຍຊື່ ນາງ ຈັນທະໄລ ອາຍຸ 40 ປີ ມີຊູ້ ຈິ່ງເອົາຈົກສັບຫົວ ເສຍຊີວິດ ຢູ່ຖຽງນາ.
ຈາກນັ້ນ ເອົາຕົວຫລົບຫນີ ເຂົ້າປ່າ, ຕໍ່ມາຖືກເຈົ້າຫນ້າທີ່ຈັບຕົວໄດ້.
