ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ແຈ້ງໃຫ້ໃຊ້ປື້ມສຳມະໂນຄົວ ເຮັດທຸລະກຳຕ່າງໆແທນບັດປະຈຳຕົວປະຊາຊົນ ເນື່ອງຈາກລະບົບຖານຂໍ້ມູນຂັດຂ້ອງ
ການນໍາໃຊ້ປື້ມສໍາມະໂນຄົວ ເພື່ອເຄື່ອນໄຫວເຮັດທຸລະກໍາຕ່າງໆແທນບັດປະຈໍາຕົວປະຊາຊົນລາວ (ຊົ່ວຄາວ).
ກະຊວງປ້ອງກັນຄວາມສະຫງົບ, ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ອອກແຈ້ງການວັນທີ 13 ກັນຍາ ຜ່ານມາ ຮຽນຫົວໜ້າກອງບັນຊາການ ປກສ ນະຄອນຫຼວງວຽງຈັນ, ບັນດາກອງບັນຊາການ ປກສ ແຂວງ ໃນຂອບເຂດທົ່ວປະເທດ ເລື່ອງການນໍາໃຊ້ປື້ມສໍາມະໂນຄົວ ເພື່ອເຄື່ອນໄຫວເຮັດທຸລະກໍາຕ່າງໆແທນບັດປະຈໍາຕົວປະຊາຊົນລາວ (ຊົ່ວຄາວ).
ເນື່ອງຈາກເກີດມີບັນດາຫາລະອຽດດັ່ງນີ້:
1. ປະຈຸບັນລະບົບຊັອບແວຖານຂໍ້ມູນ PIM ແລະ ລະບົບໄຟຟ້າສຳຮອງຂັດຂ້ອງ ລະບົບເຄື່ອຂ່າຍສັນຍານລົ້ມ
ເຫຼວເຊິ່ງເຮັດໃຫ້ບໍ່ສາມາດພິມບັດປະຈໍາຕົວແບບໃໝ່ໄດ້.
2. ໃນກໍລະນີປະຊາຊົນບັນດາເຜົ່າ, ພະນັກງານ, ທະຫານ, ຕຳຫຼວດ ທີ່ມີຄວາມຈໍາເປັນໃນການນໍາໃຊ້ບັດປະຈໍາຕົວປະຊາຊົນລາວ ເພື່ອຢັ້ງຢືນປະກອບເອກະສານເຮັດທຸລະກໍາຕ່າງໆ ທີ່ກ່ຽວຂ້ອງກັບເອກະສານວິຊາສະເພາະຂອງ ກອງບັນຊາການ ປກສ ນະຄອນຫຼວງວຽງຈັນ ແລະ ບັນດາກອງບັນຊາການ ປກສ ແຂວງແມ່ນໃຫ້
ນໍາໃຊ້ປື້ມທະບຽນສໍາມະໂນຄົວແທນບັດປະຈຳຕົວໄປກ່ອນ (ຜູ້ບໍ່ທັນມີບັດ ແລະ ຜູ້ບັດໝົດອາຍຸ).
3. ພາຍຫຼັງກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ສ້ອມແປງ-ປັບປຸງແກ້ໄຂລະບົບຖານຂໍ້ມຸນສຳເລັດຈະແຈ້ງໃຫ້ ກອງບັນຊາການ ປກສ ນະຄອນຫຼວງວຽງຈັນ ແລະ ບັນດາກອງບັນຊາການ ປກສ ແຂວງ ໃນຂອບເຂດທົ່ວປະເທດຮັບຊາບໃນເວລາອັນຄວນ.
ດັ່ງນັ້ນ, ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ຈຶ່ງແຈ້ງມາຍັງ ທ່ານ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ແລະ ບັນດາກອງບັນຊາການ ປກສ ແຂວງ ເພື່ອຮັບຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.
