Lao News

ແຈ້ງເຕືອນພາກກາງພາກໃຕ້ ຮັບມື ພາຍຸໄຕ້ຝຸ່ນ ໂນຣູ (Noru)

ແຈ້ງເຕືອນ! ພາຍຸໄຕ້ຝຸ່ນ ໂນຣູ (Noru)

ປະຈໍາວັນທີ 27 ກັນຍາ 2022

ພາຍຸໄຕ້ຝຸ່ນ ໂນຣຸ (Noru) ຫົວທີ 16 ຍັງເຄື່ອນທີ່ຢູ່ເຂດທະເລຈີນໃຕ້ ຕອນກາງ ຈາກນັ້ນພາຍຸໄຕ້ຝຸ່ນຫົວນີ້ ຈະເຄື່ອນທີ່ຂຶ້ນຝັ່ງທາງພາກກາງ ຂອງປະເທດຫຽວດນາມ ໃນຕອນເຊົ້າວັນທີ 28 ກັນຍາ 2022 ນີ້ ແລະ ຈະສືບຕໍ່ເຄື່ອນທີ່ຜ່ານ ພາກກາງ ແລະ ພາກໃຕ້ຂອງປະເທດລາວ ໃນຕອນບ່າຍວັນທີ 28 ຫາ 30 ກັນຍາ 2022, ຊື່ງຈະເຮັດ ໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢູ່ທົ່ວໄປ ໃນແຕ່ລະພາກ ແລະ ຕົກໜັກ ຫາ ຕົກໜັກຫລາຍ ພ້ອມມີລົມພັດແຮງຢູ່ບາງທ້ອງຖີ່ນ ໃນເຂດພາກກາງ ແລະ ພາກໃຕ້.

ດັ່ງນັ້ນ, ຈື່ງແຈ້ງເຕືອນເຖິງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາເຂດແຂວງດັ່ງກ່າວ ຈົ່ງມີສະຕິລະມັດ ລະວັງຕໍ່ສະພາບຝົນຕົກໜັກ, ລົມພັດແຮງ ທີ່ຈະເຮັດໃຫ້ມີດິນເຈື່ອນ, ນ້ຳຖ້ວມອັ່ງ ແລະ ນ້ຳຖ້ວມຊຸ ພ້ອມທັງກະກຽມເກັບມ້ຽນວັດຖຸສິ່ງຂອງ ທີ່ມີຄ່າ ແລະ ສັດລ້ຽງໄວ້ບ່ອນທີ່ປອດໄພ, ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.

Related Articles

Leave a Reply

Your email address will not be published. Required fields are marked *

Back to top button