Lao News

ອີກແລ້ວ.! ພົບສົບ ບັນຈຸໃສ່ໃນເປົາ ຖີ້ມລົງໃນນໍ້າ

ປະຊາຊົນພົບເຫັນຊາກສົບຄົນເສຍຊີວິດອິງຕາມການລາຍງານຂອງເຈົ້າໜ້າທີ່ຕຳຫຼວດ ກອງບັນຊາການ ປກສ ແຂວງວຽງຈັນ ໃຫ້ຮູ້ວ່າ:

ໃນຄັ້ງວັນທີ 15 ກັນຍາ 2022 ຜ່ານມານີ້ ໄດ້ມີປະຊາຊົນ ບ້ານທາດ ເມືອງໂພນໂຮງ ແຂວງວຽງຈັນ ພົບເຫັນຊາກສົບຄົນເສຍຊີວິດ ( ບັນຈຸໃສ່ໃນເປົາ) ຖິ້ມລົງລີກຂອບເຂດບ້ານຂາມ ເມືອງໂພນໂຮງ ຫຼັງຈາກນັ້ນໄດ້ແຈ້ງຫາເຈົ້າໜ້າທີ່ຕຳຫຼວດວິຊາສະເພາະກອງບັນຊາການ ປກສ ແຂວງວຽງຈັນ ສົມທົບກັບເຈົ້າໜ້າທີ່ຕຳຫຼວດ ນິຕິວິທະຍາ ປກສ ເມືອງໂພນໂຮງ ແລະ ພາກສ່ວນທີ່ກ່ຽວຂ້ອງ ລົງຊັນນະສູດຊາກສົບ ແລະ ສະຖານທີ່ເກີດເຫດ.

ຈື່ງໄດ້ຮູ້ວ່າ ຊາກສົບຜູ້ເສຍຊີວິດ ຊື່ ທ້າວ ຕູຫາຍຢ່າງ, ອາຍຸ 37 ປີ, ເຊື້ອຊາດ-ສັນຊາດຈີນ, ຜູ້ກ່ຽວມາດຳເນີນທຸລະກິດຢູ່ໂຮງງານຫຼອມເຫຼັກ ຕັ້ງຢູ່ບ້ານຫ້ວຍນໍ້າເຢັນ ເມືອງນາຊາຍທອງ ນະຄອນຫຼວງວຽງຈັນ,

ປະຈຸບັນເຈົ້າທີ່ຕໍາຫຼວດ ປກສ ແຂວງວຽງຈັນໄດ້ມອບຊາກສົບດັ່ງກ່າວໃຫ້ກົມນິຕິວິທະຍາ ກະຊວງປ້ອງກັນຄວາມສະຫງົບນຳໄປເກັບຮັກສາໄວ້ ພ້ອມທັງພົວພັນຫາຍາດພີ່ນ້ອງຂອງຜູ້ເສຍຊີວິດ, ສ່ວນສາເຫດຕົວຈິງຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່.

ແຫລ່ງຂ່າວ. ປກສ ແຂວງວຽງຈັນ

Related Articles

Leave a Reply

Your email address will not be published. Required fields are marked *

Back to top button