ເກີດເຫດເຮລິຄອບເຕີ 2 ລຳຕຳກັນກາງອາກາດ

🔥 ເກີດເຫດເຮລິຄອບເຕີ 2 ລຳຕຳກັນກາງອາກາດ ເສຍຊິວິດຄາທີ່ ໃນປະເທດອອສເຕເລຍ.

ເຫດເກີດໃນວັນທີ 2 ມັງກອນ 2023 ຜ່ານມາ, ເກີດເຫດເຮືອບິນເຮລິຄອບເຕີ 2 ລຳຕຳກັນກາງອາກາດ ໃກ້ກັບສວນນ້ຳທະເລ Sea World,

ທີ່ເມືອງໂກໂຄດ Gold Coast ປະເທດອອສເຕເລຍ, ເຊິ່ງເຫດການດັ່ງກ່າວເຮັດໃຫ້ມີຜູ້ເສຍຊີວິດ 4 ຄົນ ແລະ ບາດເຈັບສາຫັດ 3 ຄົນ.

ເຈົ້າໜ້າທີ່ຕຳຫຼວດໄດ້ລະບຸວ່າ: ເຮລິຄອບເຕີທັງ 2 ລຳຕຳກັນກາງອາກາດ ໂດຍລຳໜຶ່ງໄດ້ຕົກກະທົບລົງມາກັບພຶ້ນຈົນພິກຄວ້ຳ ແລະ ເສດສ່ວນຂອງເຮືອບິນຫຼຸດອອກ ແລະ ກະຈາຍໄປທົ່ວ,

ສ່ວນອີກລຳໜຶ່ງມີແຕ່ແວ່ນບັງລົມດ້ານໜ້າຫຼຸດອອກ ເຮັດໃຫ້ຜູ້ໂດຍສານທັງໝົດໄດ້ຮັບບາດເຈັບ ແຕ່ສາມາດປະຄອງລົງຈອດໄດ້.

ໃນເບື້ອງຕົ້ນ, ເຈົ້າໜ້າທີ່ຄາດວ່າ: ການ​ປະ​ທະ​ກັນ​ຂອງ​ເຮ​ລີ​ຄອບ​ເຕີ​ອາດ​ຈະ​ເກີດ​ຂຶ້ນ​ເນື່ອງ​ຈາກລຳໜຶ່ງ​​ກຳ​ລັງ​ຈະ​ບິນ​ຂຶ້ນ ໃນຂະນະທີ່ອີກລຳໜຶ່ງ.

ກຳລັງກຽມທີ່ຈະລົງຈອດໃນຈັງຫວະທີ່ໃກ້ຄຽງກັນ ​ແຕ່​ຍັງ​ຢູ່​ພາຍ​ໃຕ້​ການ​ສືບສວນ​ສອບ​ສວນ​ຫາ​ສາ​ເຫດ​ທີ່​ແນ່ນອນ ເຊິ່ງເຈົ້າໜ້າທີ່ໄດ້ຂໍຄວາມຮ່ວມມື.

ຈາກປະຊາຊົນຜູ້ທີ່ເຫັນເຫດການ ຫຼື ບັນທຶກຄລິບວີດີໂອ ເພື່ອປະກອບຫຼັກຖານໃຫ້ເຈົ້າໜ້າທີ່ດຳເນີນການສືບສວນຕໍ່ໄປ.

Related Posts

Leave a Reply

Your email address will not be published. Required fields are marked *