ສາວ 18ປີ ບໍລິຈາກ 1.133 ຕື້ກວ່າ ໃຫ້ໂຄງການໂຄແວັກ ຫວັງໃຫ້ທຸກຄົນເຂົ້າເຖິງ ວັກຊີນ ຢ່າງເທົ່າທຽມກັນ.

ຂ່າວຕ່າງປະເທດ ເມື່ອວັນທີ 20 ເມສານີ້ ໃຫ້ຮູ້ວ່າ ເກຕ້າ ຮຸນເບີກ ນັກເຄື່ອນໄຫວດ້ານສິ່ງແວດລ້ອມ ຊາວສະວີເດັນ ໄວ 18 ປີ ໄດ້ບໍລິຈາກເງີນ 100.000 ເອີໂຣ ເທົ່າກັບ 1,133,162,865.00 ກີບ.​ ໃຫ້ກັບໂຄງການໂຄແວັກ ຂອງອົງການອະນາໄມໂລກ ເພື່ອຫວັງໃຫ້ທຸກປະເທດໃນໂລກ ສາມາດເຂົ້າເຖິງວັກຊີນໄດ້ຢ່າງເທົ່າທຽມກັນ.

ເຫດຜົນຂອງນັກກິດຈະກຳຂອງຊາວສະວິເດັນຄົນນີ້ ຄືຕ້ອງການຫຼຸດຄວາມເລື່ອມລໍ້າ ໃນການເຂົ້າເຖິງວັກຊີນໂຄວິດ-19 ເພາະໃນປະເທດລາຍໄດ້ສູງ ຊັດສ່ວນຜູ້ທີ່ໄດ້ຮັບສັກວັກຊີນ ໂຄວິດຢູ່ທີ 1 ໃນ 4 ຄົນ, ຂະນະທີ່ປະເທດລາຍໄດ້ຕໍ່າ ຊັດສ່ວນຢູ່ທີ່ 1 ຕໍ່ 500 ຄົນ.

ກ່ອນໜ້ານີ້ ໂຄແວັກມີກຳນົດ ສົ່ງມອບວັກຊີນ 100 ລ້ານໂດສ ໃຫ້ໄດ້ພາຍໃນທ້ານເດືອນມີນາ ແຕ່ຕອນນີ້ກະຈາຍໄດ້ພຽງ 38 ລ້ານໂດສ ເທົ່ານັ້ນ.

Related Posts

Leave a Reply

Your email address will not be published. Required fields are marked *