ໃນຕອນທ່ຽງຂອງວັນທີ 14 ມັງກອນ ເວລາປະມານ 13:00 ໂມງ.
ໄດ້ເກີດເຫດໄຟລຸກໄໝ້ເດີ່ນຫຍ້າບໍລິເວນ ດ້ານຂ້າງຂອງສະໜາມບິນຊຽງຂວາງ ກໍ່ໃຫ້ເກີດມີກຸ່ມຄວັນລອຍຂຶ້ນຢ່າງໜາແໜ້ນ ເຮັດໃຫ້ບາງຖ້ຽວບິນເກີດຄວາມຫຼ້າຊ້າ.
ທັນທີທີ່ເກີດເຫດ ເຈົ້າໜ້າທີ່ ແລະ ພາກສ່ວນທີ່ກ່ຽວຂ້ອງ ໄດ້ເຂົ້າລະງັບເຫດການ ແລະ ຄວບຄຸມໄຟໄດ້ສຳເລັດແລ້ວ ເຫຼືອພຽງກຸ່ມຄວັນທີ່ຄ່ອຍໆຈາງຫາຍໄປຕາມລຳດັບ.
ສ່ວນສາເຫດຂອງໄຟໄໝ້ຄັ້ງນີ້ນັ້ນຍັງບໍ່ມີການລະບຸຢ່າງຊັດເຈນ.
ຢ່າງໃດກໍຕາມ ເຫດດັ່ງກ່າວບໍ່ໄດ້ສ້າງຄວາມເສຍຫາຍຫຍັງໃຫ້ແກ່ ຕົວສະໜາມບິນ ແລະ ຄາດວ່າຖ້ຽວບິນຕ່າງໆຈະກັບມາໃຫ້ບໍລິການປົກກະຕິໃນໄວໆນີ້.
