ພາສປອດວັກແຊັງ ເປັນເຄື່ອງມື ການເດີນທາງແບບໃໝ່ທົ່ວໂລກ

ສຳນັກຂ່າວ CNBC ລາຍງານວ່າ: ທ່າມກາງການລະບາດຂອງເຊື້ອພະຍາດໂຄ ວິດ – 19 ທີ່ມີປະຊາຊົນກຸ່ມໜຶ່ງ ທີ່ໄດ້ຮັບການສັກວັກແຊັງແລ້ວ ໃບຮັບຮອງການສັກວັກແຊັງ ” Passport vaccine ” ທີ່ບັນທຶກຫຼັກຖານການສັກວັກຊັງ ພວມກາຍເປັນເຄື່ອງມືສຳຄັນໃນການເດີນທາງແບບໃໝ່ໃນທົ່ວໂລກໃນຍຸກໂຄວິດ – 19.

ຂະນະທີ່ຫຼາຍປະເທດພັດທະນາພາສປອດວັກແຊັງໃນແບບສະບັບຂອງແຕ່ລະປະເທດ ແລະ ມີການໃຊ້ງານຈິງພາຍໃນປະເທດແລ້ວ ເປັນຕົ້ນໃນປະເທດອິດສະຣາແອນ ແລະ ດານມາກ ທີ່ພັດທະນາເປັນ ກຣີນພາສ ” Green Pass ” ແລະ ໂຄໂຣນ່າ ພາສ ” Corona Pass ” ເຮັດໃຫ້ລັດຖະບານສາມາດຮັບຮູ້ຂໍ້ມູນຜູ້ຕິດເຊື້ອໄດ້ ເປັນລາຍຊົ່ວໂມງ ແລະ ຮັບຮູ້ເຖິງຈຸດທີ່ມີການແຜ່ລະບາດຂອງເຊື້ອພະຍາດໂຄວິດ – 19 ລວມທັງທີ່ຢູ່ອາໄສຂອງບຸກຄົນນັ້ນໆ ເຊິ່ງເຮັດໃຫ້ໜ່ວຍງານທີ່ກ່ຽວຂ້ອງສາມາດອອກມາດຕະການ ສະກັດກັ້ນ ໄດ້ຢ່າງເໝາະສົມ ແລະ ທັນເວລາ.

ປັດຈຸບັນສະຫະພາບເອີຣົບ ( ອີຢູ ) ທີ່ມີສະມາຊິກ 27 ປະເທດ ພວມກຽມອອກພາສປອດວັກແຊັງ ທີ່ມີຊື່ວ່າ: ” EU Digital COVID CERTIFICATE ” ໂດຍບໍ່ມີມາດຕະການກັກຕົວກ່ອນເຂົ້າປະເທດ ແລະ ຈະສາມາດເລີ່ມນຳໃຊ້ລະບົບດັ່ງກ່າວໄດ້ພາຍໃນເດືອນມິຖຸນານີ້.

ຂະນະທີ່ອັງກິດ ມີແອບພລິເຄຊັນ ” NHS App ” ທີ່ໄດ້ເພີ່ມຄຳສັ່ງສະແດງຫຼັກຖານການສັກວັກແຊັງເຂົ້າໄປແລ້ວ ເພື່ອຮັບຮອງວ່າບຸກຄົນນັ້ນໄດ້ສັກວັກແຊັງແລ້ວ.

Related Posts

Leave a Reply

Your email address will not be published. Required fields are marked *