ປະເທດ ເດນມາກ (Denmark) ຊະນະໂ ຄ ວິ ດດ້ວຍ “ໂຄໂລນາພາສ” Application ສະແດງຂໍ້ມູນວັກຊີນ ແລະ ການກວດໂ ຄ ວິ ດ

ປະເທດ ເດນມາກ (Denmark) ຊະນະໂຄວິດດ້ວຍ “ໂຄໂລນາພາສ” Application ສະແດງຂໍ້ມູນວັກຊີນ ແລະ ການກວດໂຄວິດ.

ປະເທດເດນມາກ ຜ່ອນຜັນມາດຕະການປ້ອງກັນການລະບາດຂອງໂລກໂຄວິດ-19 ໂດຍຮ້ານອາຫານ ແລະ ທຸລະກິດໃນເມືອງເລີ່ມກັບມາເປີດເຮັດການບໍລິການອີກຮອບ ສ່ວນປະຊາຊົນຕ້ອງປັບໂຕໃຊ້ “ໂຄໂລນາພາສ” ສະແດງຂໍ້ມູນຂອງຕົນກ່ອນເຂົ້າຮ່ວມກິດຈະກໍາ.

ສໍານັກຂ່າວບີບີຊີ ລາຍງານ ປະເທດເດນມາກເລີ່ມຜ່ອນຜັນມາດຕະການ ປ້ອງກັນການແຜ່ລະບາດ ຂອງເຊື້ອໂລກໂຄວິດ-19 ໄວກ່ວາທີ່ຄາດການເອົາໄວ້ ໂດຍຮ້ານອາຫານຕ່າງໃນເມືອງ ແລະ ຫ້າງຊັບພະສິນຄ້າ

ລວມໄປເຖິງສະໜາມແຂ່ງກິລາ ໄດ້ກັບມາເປີດໃຫ້ບໍລິການອີກຮອບ ໂດຍຜູ້ເຂົ້າຮັບການບໍລິການ ຕ້ອງໄດ້ສະແດງ ໂຄໂລນາພາສ ຫຼື ໂຄໂລນາພາສະປອດ ເປັນ ແອບພິເຄຊັນທີ່ຍືນຍັນວ່າ ຜູ້ເຂົ້າຮັບບໍລິການນັ້ນ ໄດ້ຮັບການສັກວັກຊີນ ປ້ອງກັນໂລກໂຄວິດ-19 ແລະ ມີຜົນການກວດເປັນລົບ ເຊິ່ງການຢືນຍັນຜົນກວດ ແລະ ການສັກວັກຊີນຂອງປະຊາຊົນຜ່ານລະບົບດິຈິຕອນ.

ນີ້ອາດກາຍເປັນການນໍາໄປສູ່ການຍົກເລີກ ການລ໋ອກດາວໃນຍຸໂຣບ ໃນຂະນະທີ່ສະຫະພາບເອີຣົບ ຕ້ອງການໃຫ້ສະມາຊິກທັ້ງ 27 ປະເທດ ປັບໃຊ້ໂຄໂລນາ ພາດສະປອດ ໃນເດືອນມິຖຸນາ.

ໂຄໂລນາພາດສະປອດນັ້ນຖືວ່າເປັນເລື່ອງສໍາຄັນທີ່ເຮັດໃຫ້ເດນມາກຜ່ອນມາດຕະການປ້ອງກັນໂຄວິດ-19 ໂດຍມີການບັງຄັບໃຊ້ໃນການເຂົ້າຮ້ານຕັດຜົມ, ໂຮງຣູບເງົາ ແລະ ສະຖານທີອອກກໍາລັງກາຍ ເຊິ່ງຫາກຜູ້ໃດຝ່າຝືນການໃຊ້ງານຈະຖືກປັບເງິນ.

ພ້ອມນີ້ ເດນມາກເປັນໜຶ່ງໃນປະເທດທີ່ປະສົບຜົນສໍາເລັດໃນການຄວບຄຸມການແຜ່ລະບາດຂອງພະຍາດໂຄວິດ-19 ລະບາດຮອບທີ 3 ແລະ ມີອັດຕາຜູ້ເສຍຊີວິດຕໍ່າເມື່ອທຽບກັບ ປະເທດອື່ນໆໃນເອີຣົບ. ຂ່າວລ່າສຸດເດນມາກມີຄົນປ່ວຍໂຄວິດສະສົມປະມານ 244,000 ຄົນ ແລະ ເສຍຊີວິດ 2,400 ຄົນ.

ທີ່ມາ: ໄທຣັດ

Related Posts

Leave a Reply

Your email address will not be published. Required fields are marked *