ສ.ອາເມລິກາ ຈະແບ່ງປັນວັກຊິນປ້ອງກັນໂ ຄ ວິ ດໃຫ້ປະເທດຕ່າງໆ80ລ້ານໂດສ

ຂປລ.ຕາມຂ່າວຈາກ ວໍຊີງຕັນ,ວັນທີ4ມິຖຸນາ, ທ່ານ ໂຈ ໄບເດນ ປະທານາທິບໍດີ ສ.ອາເມລິກາ ຈະແບ່ງປັນ ວັກຊິນ ປ້ອງກັນ ໂຄວິດ-19ຂອງ ໄຟເຊີ,ໂມເດີນາ ແລະ ຈອນສັນ ແອນ ຈອນສັນ ເພື່ອຊ່ວຍເຫລືອ ປະເທດຕ່າງໆ ທົ່ວໂລກ 80 ລ້ານໂດສ.

ພາຍໃນ ທ້າຍເດືອນ ມິຖຸນາ 2021 ໃນນີ້ 7ລ້ານໂດສ ຈະສົ່ງໃຫ້ອິນເດຍ ແລະ ສ່ວນອື່ນໆ ຂອງອາຊີ ລວມທັງ ປະເທດໄທ. ໃນຈຳນວນ ດັ່ງກ່າວ 75% ຈະມອບຜ່ານ ໂຄງການ ໂຄແວັກ ສ່ວນອີກ 25% ຈະແຈກຢາຍ ໃຫ້ແກ່ ປະເທດຕ່າງໆ ໂດຍກົງ ແລະ ວັກຊິນ ທັງໝົດນີ້ ເປັນວັກຊິນ ທີ່ໜ່ວຍງານ ດ້ານສາທາລະນະສຸກ ສ.ອາເມລິກາ ອະນຸມັດ ໃຫ້ໃຊ້ງານໄດ້.

ໄລຍະຜ່ານມາ ໂຄແວັກ ໄດ້ສົ່ງມອບ ວັກຊິນໃຫ້127 ປະເທດ ໃນປະລິມານ ເກືອບ 80ລ້ານໂດສ ເປັນວັກຊິນ ຂອງແອສຕຣາເຊເນກ້າ 97% ສ່ວນທີ່ເຫລືອ ເປັນວັກຊິນ ຂອງໄຟ ເຊີ-ໄບອອນເທັກ./.

ຮຽບຮຽງຂ່າວໂດຍ ສະໄຫວ ລາດປາກດີ

Related Posts

Leave a Reply

Your email address will not be published. Required fields are marked *