ວັນທີ 9/7/2021 ສອງກົມກອງທີ່ຂື້ນກັບກອງພັນໃຫຍ່ 101 ສຳເລັດການເຊື່ອມຊືມມະຕິກອງປະຊຸມໃຫຍ່ຄັ້ງທີ Xl ຂອງພັກ

9/7/2021ສອງກົມກອງທີ່ຂື້ນກັບ ກອງພັນໃຫຍ່101 ສຳເລັດການເຊື່ອມຊືມມະຕິກອງປະຊຸມໃຫຍ່ຄັ້ງທີ Xl ຂອງພັກ.

ໃນວັນທີ 07 ກໍລະກົດ 2021 ນີ້, ຢູ່ທີສະໂມສອນກອງພັນນ້ອຍ 598 ທີ່ຂື້ນກັບກອງພັນໃຫຍ່101 ໄດ້ຈັດຕັ້ງເຜີຍແຜ່ເຊື່ອມຊຶມມະຕິກອງ ປະຊຸມໃຫຍ່ຄັ້ງທີ Xl ຂອງພັກ ແລະ ມະຕິກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ ໂດຍການເຂົ້າຮ່ວມເປັນປະທານ ແລະ ເຜີຍແຜ່ເອກະສານຂອງ ສະຫາຍ ພັນເອກ ບຸນຂູ້ມ ສີຄຳໄຊ ເລຂາຄະນະພັກ ຫົວໜ້າການເມືອງກອງພັນໃຫຍ່101, ມີຄະນະພັກ-ຄະນະບັນຊາ ພ້ອມດ້ວຍພະນັກງານ-ນັກຮົບ ທົ່ວກອງພັນນ້ອຍ 598 ແລະ ກອງຮ້ອຍ ຊ່າງເເສງເຂົ້າຮ່ວມຢ່າງພ້ອມພຽງ.


ເອກະສານທີ່ນຳມາເຜີຍແຜ່ ເຊື່ອມຊຶມຄັ້ງນີ້ປະກອບມີ: ບົດລາຍງານການເມືອງ ຂອງຄະນະ ບໍລິຫານງານສູນກາງພັກ ສະໄໝ ທີ X ຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ Xl ຂອງພັກປະຊາຊົນປະຕິວັດລາວ, ເອກະສານກົດລະບຽບພັກສະໄໝທີ Xl, ເອກະສານມະຕິກອງ ປະຊຸມໃຫຍ່ຜູ້ແທນຄັ້ງທີ V ຂອງອົງຄະນະພັກກະຊວງປ້ອງກັນປະເທດ. ທັງນີ້ເພື່ອແນໃສ່ເຮັດໃຫ້ຄະນະພັກ-ຄະນະບັນຊາ, ພະນັກງານ-ນັກຮົບພາຍໃນກອງພັນນ້ອຍ 598 ແລະ ກອງຮ້ອຍຊ່າງເເສງ ໄດ້ສຶກສາຄົ້ນຄວ້າ ເຊື່ອມຊຶມ, ກຳແໜ້ນບັນດາເນື້ອໃນເອກະສານດັ່ງກ່າວໃຫ້ເລິກເຊິ່ງ ແລະ ມີຄວາມເປັນເອກະພາບຕໍ່ແບບແຜນການນຳພາຂອງພັກ-ລັດ, ແບບແຜນຈຸດສຸມຂອງການພັດທະນາເສດຖະກິດ-ສັງຄົມໂດຍລວມກໍຄື ເອົາໃຈໃສ່ເພີ່ມທະວີຄວາມເປັນເຈົ້າການຕໍ່ວຽກງານ ທີ່ຈະຕ້ອງໄດ້ຈັດຕັ້ງປະຕິບັດ,ໃຫ້ມີການຫັນປ່ຽນທາງດ້ານແນວຄິດ,ຈິນຕະນາການຢ່າງຖືກຕ້ອງແຂງແຮງ,

ທັງເປັນການຍົກສູງທາງດ້ານຄຸນທາດການເມືອງ, ຄຸນສົມບັດສິນ ທຳປະຕິວັດໃຫ້ເຂັ້ມແຂງ,ໜັກແໜ້ນ, ໂດຍສະເພາະຈັດຕັ້ງຜັນ ຂະຫຍາຍບັນດາມະຕິ, ຂໍ້ຕົກລົງ ແລະ ແຜນວຽກງານຈຸດສຸມຂອງ ກອງປະຊຸມໃຫຍ່ຜູ້ແທນຄັ້ງທີ V ຂອງອົງຄະນະພັກກະຊວງປ້ອງກັນປະເທດວາງອອກໃຫ້ໄດ້ຮັບການຈັດຕັ້ງປະຕິບັດເຂົ້າສູ່ລວງເລິກຢ່າງເປັນຮູບປະທຳຕົວຈິງ ແລະ ນຳໄປຈັດຕັ້ງຜັນຂະຫຍາຍ ເຂົ້າໃນວຽກງານຕົວຈິງຂອງກົມກອງ ກໍຄືໜ້າທີ່ວິຊາສະເພາະຂອງຕົນໃຫ້ມີປະສິດທິພາບສູງ, ຮູ້ໄດ້ແບບແຜນວິທີເຮັດວຽກ, ແບບແຜນການນຳພາໃນແຕ່ລະຂັ້ນ, ຄວາມຮັບຜິດຊອບໜ້າທີ່ການເມືອງຂອງຕົນ ຕໍ່ກັບໜ້າທີ່ການເມືອງຂອງກົມກອງ ໃຫ້ໄດ້ຮັບການພັດທະນາ, ປັບປຸງດີຂຶ້ນ ແລະ ມີຜົນສໍາເລັດຢ່າງຈົບງາມ.

Related Posts

Leave a Reply

Your email address will not be published. Required fields are marked *