ແຊ໌ດ່ວນໆ! ປະກາດເຖິງຜູ້ໂດຍສານລົດເມຕຽງນອນສາຍ ບໍ່ແກ້ວ-ນະຄອນຫຼວງໃຫ້ໄປກວດດ່ວນ,ເພາະມີຜູ້ຕິດເຊື້ອແລ້ວ

📢📢 ປະກາດ📢📢
ເຖິງຜູ້ໂດຍສານລົດເມຕຽງນອນ ສາຍ ບໍ່ແກ້ວ-ນະຄອນຫຼວງວຽງຈັນ ໃນວັນທີ 11/7/2021 ເວລາ 16 ໂມງ

ທີ່ໄດ້ເດີນທາງອອກຈາກສາມຫລ່ຽມຄຳ ແຂວງບໍ່ແກ້ວ ຖ້າຜູ້ກ່ຽວ, ໝູ່ເພື່ອນ ຫຼື ຍາດພີ່ນ້ອງຮູ້ຈັກກັບຜູ້ກ່ຽວກໍ່ໃຫ້ແຈ້ງໃຫ້ຜູ້ກ່ຽວ ຫຼື ນຳຜູ້ກ່ຽວໄປພົບເຈົ້າໜ້າທີ່ເພື່ອຈະໄດ້ນຳເຂົ້າໄປສູນກັກກັນເກັບຕົວຢ່າງຊອກຫາເຊື້ອພະຍາດໂຄວິດ-19.

ລາຍລະອຽດລຸ່ມນີ້:

COVID19 ອີງຕາມບົດຖະແຫຼງຂ່າວ ຂອງຄະນະສະເພາະກິດ ປະຈຳວັນທີ 17 ກໍລະກົດ 2021 ໂດຍ ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມ ຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ປະກາດ ເຖິງຜູ້ໂດຍສານລົດເມຕຽງນອນ ສາຍບໍ່ແກ້ວ-ນະຄອນຫຼວງວຽງຈັນ (ບໍ່ຮູ້ປ້າຍທະບຽນລົດ)ໃນວັນທີ 11 ກໍລະກົດ 2021 ເນື່ອງຈາກໃນລົດຄັນດັ່ງກ່າວ ມີກໍລະນີຕິດເຊື້ອໂຄວິດ-19 ເຊິ່ງມີລາຍລະອຽດດັ່ງນີ້:

ອອກເດີນທາງຈາກເມືອງຕົ້ນເຜິ້ງ ແຂວງບໍ່ແກ້ວ ວັນທີ 11 ກໍລະກົດ 2021 ເວລາ 16:30 ໂມງມີຜູ້ໂດຍສານປະມານ 40 ຄົນ, ໃນຊ່ວງໄລຍະການເດີນທາງ ເວລາປະມານ 21:30 ໂມງໄດ້ແວ່ກິນເຂົ້າຢູ່ຮ້ານອາຫານແຫ່ງໜຶ່ງ (ບໍ່ຮູ້ຊື່) ຂອງແຂວງຫຼວງນໍ້າທາ

ວັນທີ 12 ກໍລະກົດ 2021 ມາຮອດແຂວງອຸດົມໄຊ ເວລາປະມານ 2:00 ໂມງເຊົ້າ ລົດເມໄດ້ຈອດຢູ່ຄິວລົດສາຍເໜືອ ເຊິ່ງຕັ້ງຢູ່ບ້ານ ນາເລົາ, ເມືອງໄຊ, ແຂວງອຸດົມໄຊ, ມີຜູ້ໂດຍສານ 5 ຄົນລົງ ຢູ່ຄິວລົດດັ່ງກ່າວ ໂດຍເປັນຄົນອຸດົມໄຊ 3 (ສາມາດຕິດຕໍ່ຫາໄດ້ແລ້ວ)

ສ່ວນຜູ້ທີ່ປະກາດຫາແມ່ນ ຄົນຜົ້ງສາລີ 1 ແລະ 1 ຄົນບໍ່ຮູ້ວ່າເປັນຄົນແຂວງໃດ) ໃຫ້ຮີບຮ້ອນໄປກວດຫາເຊື້ອດ່ວນ

ສຳລັບຜູ້ໂດຍສານ ທີ່ໄດ້ລົງຢູ່ ນະຄອນຫຼວງພະບາງ, ແຂວງວຽງຈັນ, ບໍລິຄຳໄຊ, ສະຫວັນນະເຂດ ແລະ ນະຄອນຫຼວງວຽງຈັນ ນັ້ນ ພວກເຮົາສາມາດຕິດຕໍ່ໄດ້ທັງໝົດແລ້ວ ແລະ ໄດ້ຖືກເກັບຕົວຢ່າງ ແລະ ນຳສົ່ງເຂົ້າສູນຈຳກັດບໍລິເວນທີ່ຄະນະສະເພາະກິດກຳນົດໄວ້

ມີຄຣິບ:

ຂໍ້ມູນມາຈາກ

Related Posts

Leave a Reply

Your email address will not be published. Required fields are marked *