ສຸນິສາ, ລູກສາວອົບພະຍົບເຜົ່າມົ້ງ ທີ່ມາຈາກລາວ ກໍາລັງສ້າງຊື່ສຽງໃຫ້ ສຫລ ອາເມລີກາ ຢູ່ໃນການແຂ່ງຂັນກິລາໂອລິມປີກ ໂຕກຽວ

ສຸນິສາ, ລູກສາວອົບພະຍົບເຜົ່າມົ້ງ ທີ່ມາຈາກລາວ ກໍາລັງທໍາຊື່ສຽງໃຫ້ ສຫລ ຢູ່ໃນການແຂ່ງຂັນກິລາໂອລິມປີກ ໂຕກຽວ

ສຸນິສາ ລີ (Sunisa Lee) ຊຶ່ງຄົນມັກເອີ້ນຊື່ຂອງລາວ ສັ້ນໆວ່າ ສຸນີ, ຍິງ ສາວມົ້ງ-ອາເມຣິກັນ ອາຍຸ ຄື18 ປີ ມາຈາກຄອບຄົວອົບພະຍົບ ທີ່ພໍ່ແມ່ເກີດຢູ່ລາວ ນັ້ນໄດ້ເປັນ 1 ໃນ 4 ນັກກິລາກາຍະກໍາ ຫລື Gymnastics ດີເດັ່ນທີ່ສຸດທີ່ຖືກເລືອກໃຫ້ຕາງໜ້າສະຫະລັດ ເຂົ້າຮ່ວມກັນແຂ່ງຂັນກິລາໂອລິມປິກປີ 2020 ທີ່ກໍາລັງແຂ່ງຂັນຢູ່ນະະຄອນໂຕກຽວຂອງຍີ່ປຸ່ນຢູ່ໃນເວລານີ້. ທີມຂອງນາງຊີງໄດ້ຫລຽນເງິນ ໃນການແຂ່ງຂັນຮອບສຸດທ້າຍ ແບບເປັນທີມ 4 ຄົນ

ນາງມີຄວາມສາມາດໃນການແຂ່ງຂັນໂດດຫ້ອຍໂຫນຮາວທີ່ຍາກທີ່ສຸດໂດຍທໍາຄະແນນ ໄດ້ 6.8, ຊຶ່ງເປັນຄະແນນສູງທີ່ສຸດໃນໂລກ, ອີງຕາມການລາຍງານ ຂອງໜັງສືພິມນີວຢອກແທມສ໌.

ທ່ານຮົວ ລີ ພໍ່ຂອງນາງເກີດຢູ່ລ່ອງແຈ້ງ, ແຂວງໄຊສົມບູນ ແລະ ອອກຈາກບ້ານຕອນ ອາຍຸໄດ້ 5 ປີ ພໍ່ແມ່ຂອງທ່ານໄດ້ພາໄປຢູ່ສູນອົບພະຍົບຈັງຫວັດອຸດອນແລະ ມາຮອດສະຫະລັດໃນປີ 1979 ຕອນ ທີ່ທ່ານໄດ້ 8 ປີ.

ການທີ່ມີລູກ ສາວທີ່ມີຄວາມສາມາດສູງເຖິງຂັ້ນກາຍເປັນນັກກິລາຜູ້ນຶ່ງທີ່ຕາງໜ້າໃຫ້ແກ່ປະ ເທດອັນກວ້າງໃຫຍ່ແລະມີຊື່ສຽງໃນໂລກເຊັ່ນສະຫະລັດນີ້ກໍນັບວ່າເປັນເລື້ອງ ທີ່ໜ້າຍິນດີ ສໍາລັບຄອບຄົວ, ປະຊາຄົມລາວ ແລະມົ້ງຕະຫລອດທັງຊາວອາເມຣິກັນທົ່ວປະເທດ.

ເບິ່ງວິດີໂອລຸ່ມນີ້:

ວິດີໂອທີ່1:

Cr VOA

Related Posts

Leave a Reply

Your email address will not be published. Required fields are marked *