ປກສ ແຂວງສະຫວັນນະເຂດ ຈັບໄດ້ 11 ຄົນ ລວມຂອງກາງ ຫຼາຍພັນເມັດ

ປກສ ແຂວງສະຫວັນນະເຂດ ຈັບໄດ້ 11 ຄົນ ລວມຂອງກາງ ຫຼາຍພັນເມັດ

  • ຕົ້ນເດືອນກໍລະກົດ ຜ່ານມາ, ເຈົ້າໜ້າທີ່ຕຳ ຫຼວດສະກັດກັ້ນ ແລະ ຕ້ານຢາເສບຕິດ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ສາມາດຕິດຕາມມ້າງກຸ່ມແກ້ງຄ້າຂາຍຢາເສບຕິດ ກັກຕົວຜູ້ຖືກຫາ ໄດ້ທັງໝົດ 11 ຄົນ, ພ້ອມຢາເສບຕິດ ລວມກັນຫຼາຍພັນເມັດ.
  • ເຈົ້າໜ້າທີ່ປກສ ນະຄອນໄກສອນ ພົມວິຫານໃຫ້ຮູ້ວ່າ: ໃນວັນທີ 15 ກໍລະກົດ ເວລາປະມານ 10:00 ໂມງ ກັກຕົວເປົ້າໝາຍຄ້າຂາຍຢາເສບຕິດຢູ່ເຂດບ້ານນາເລົ່າ ໄດ້ 1 ຄົນ ຊື່ ທ້າວ ຄອນສະໄໝ ອາຍຸ 30 ປີ ບ້ານນາເລົ່າ ພ້ອມຢາບ້າ 89 ເມັດ, ປືນສັ້ນ 1 ກະບອກ ພ້ອມລູກ ຈໍານວນ 25 ລູກ, ໂທ ລະສັບ 2 ເຄື່ອງ, ໃນຄັ້ງວັນທີ 21 ກໍລະກົດ 2021, ເວລາປະມານ 10:00 ໂມງ ກັກຕົວເປົ້າໝາຍຢາເສບຕິດ ໄດ້ຢູ່ເຂດບ້ານໂພນສະຫວ່າງເໜືອ ໄດ້ 2 ຄົນ ຊື່ ທ້າວ ສີສົມພອນ ອາ ຍຸ 22 ປີ ບ້ານວຽງສະ ຫວັນ ພ້ອມຂອງກາງຢາບ້າ 27 ເມັດ ແລະ ຢາໄອສ໌ 1 ກ້ອນນ້ອຍ, ໂທລະສັບ 1 ເຄື່ອງ, ລົດຈັກ 1 ຄັນ.
  • ຜ່ານການສອບສວນ ໃຫ້ຮູ້ວ່າ: ຢາບ້າຈໍານວນດັ່ງກ່າວ ແມ່ນຊື້ມາຈາກ ທ້າວ ເດຊາ ຫຼື ຫຼ້ານ້ອຍ ອາຍຸ 22 ປີ ບ້ານດົງດໍາດວນ, ມາຮອດເວລາປະ ມານ 15:00 ໂມງ ຂອງວັນດຽວກັນ, ກໍສາມາດກັກຕົວ ທ້າວ ເດຊາ ໄດ້ຢູ່ເສັ້ນທາງເຂດບ້ານສະ ພານເໜືອ ພ້ອມຢາບ້າ 4 ຖົງ ລວມມີຢາບ້າຈໍານວນ 769 ເມັດ, ຢາເຄ ຈໍານວນ 1 ຖົງນ້ອຍ, ໂທ ລະສັບ 1 ເຄື່ອງ, ລົດຈັກ 1 ຄັນ, ຜ່ານການກວດຄົ້ນຫ້ອງເຊົ່າຂອງຜູ້ກ່ຽວ ພົບຢາບ້າ ຕື່ມອີກ 1 ມັດ ເທົ່າກັບ 2.000 ເມັດ.
  • ມາຮອດວັນທີ 28 ກໍລະກົດ, ເວລາປະມານ 12:00 ໂມງ, ເຈົ້າໜ້າທີ່ ກໍສາມາດໄດ້ກັກຕົວເປົ້າ ໝາຍທີ່ພົວພັນໃນຄະດີນີ້ ໄດ້ 4 ຄົນ ຄື: ທ້າວ ເບີ້ມອາຍຸ 23 ປີ, ພ້ອມຢາບ້າ 78 ເມັດ, ໂທລະສັບ 1 ເຄື່ອງ, ທ້າວ ສີວິໄຊ ອາຍຸ 27 ປີ, ພ້ອມ ຂອງກາງຢາບ້າ 34 ເມັດ, ໂທລະສັບ 1 ເຄື່ອງ, ທ້າວ ສີສະ ຫງວນ ອາຍຸ 31 ປີ ແລະ ທ້າວ ທ໋ອດ ອາຍຸ 25 ປີ, ພ້ອມຂອງກາງຢາບ້າ 3 ມັດ ກັບອີກ 15 ຖົງ ລວມມີຢາບ້າ ຈໍານວນ 9.494 ເມັດ ແລະ ໂທລະສັບ 2 ເຄື່ອງ,ທັງ 4 ຄົນ ຢູ່ບ້ານດົງນາຄໍາ ນະຄອນໄກສອນພົມວິຫານ.
  • ມາໃນວັນທີ 30 ກໍລະກົດ ໄດ້ກັກຕົວເປົ້າໝາຍໄດ້ອີກ 4 ຄົນ ຄື: ທ້າວ ເລົ່າ ອາຍຸ 35 ປີ,ທ້າວ ແນັດ ອາຍຸ 29 ປີ ພ້ອມຢາບ້າ 30 ເມັດ, ທ້າວ ວຽງສະ ໄໝ ອາຍຸ 33 ປີ ພ້ອມຂອງກາງຢາບ້າ 7 ຖົງ ລວມມີຢາບ້າ 1.357 ເມັດ, ເງິນ12.520.000 ກີບ, ເງິນ ບາດ 14.900 ບາດ ແລະ ໂທລະສັບ 1 ເຄື່ອງ, ທັງ 3 ຄົນ ຢູ່ບ້ານຜັກຂະ ນະຄອນໄກສອນ ແລະ ກັກ ຕົວ ທ້າວ ແສງສຸລີ ອາຍຸ 29 ປີ, ບ້ານຊອກ ນະ ຄອນໄກສອນ, ພ້ອມຂອງກາງຢາບ້າ 1 ມັດ ເທົ່າ ກັບ 2.000 ເມັດ,ໂທລະສັບ 1 ເຄື່ອງ,ລົດຈັກ 1 ຄັນ.
  • ຜ່ານການສອບສວນ ທ້າວ ແສງສຸລີ ຮັບສາລະ ພາບວ່າ: ຢາເສບຕິດຢາບ້າ ຈໍານວນດັ່ງກ່າວແມ່ນຮັບມາຈາກ ທ້າວ ສະໝານ ອາຍຸ 29 ປີ ບ້ານຍາງສູງ.ຈາກນັ້ນ, ທາງເຈົ້າໜ້າທີ່ວິຊາສະເພາະ ຈຶ່ງເຂົ້າຈັບ ທ້າວ ສະໝານ ແຕ່ຜູ້ກ່ຽວໄດ້ເອົາຕົວລົບໜີກ່ອນ. ຜ່ານການກວດຄົ້ນຫ້ອງນອນຂອງຜູ້ກ່ຽວ ພົບຢາໄອສ໌ ຈໍານວນ 4 ຖົງນ້ອຍ, ປືນສັ້ນ 1 ກະ ບອກ, ພ້ອມລູກປືນ1 ລູກ, ເງິນ2.500.000 ກີບ, ເງິນບາດ 5.900 ບາດ.
  • ປັດຈຸບັນ.ຄະດີດັ່ງກ່າວນີ້,ຍັງຢູ່ໃນຂັ້ນຕອນການ ສອບສວນຂະຫຍາຍຜົນ ເພື່ອສະຫຼຸບສຳນວນຄະ ດີ ສົ່ງໃຫ້ອົງການໄອຍະການ ສັ່ງຟ້ອງສານຕັດສິນຕາມກົດໝາຍຕໍ່ໄປ.
  • ຮູ້ຂ່າວສານ ປະກົດການຫຍໍ້ທໍ້ໃນສັງຄົມ ກ່ອນຄົນອື່ນ, ພຽງແຕ່ກົດຖືກໃຈ ແລະ ກົດຕິດຕາມເພຈ ຂ່າວສານລາວ; ຊ່ວຍກົດໄລ໌ ກົດແຊຣ໌ຂ່າວ ເພື່ອໃຫ້ສັງຄົມຮັບຮູ້ຂ່າວສານທີ່ເກີດຂຶ້ນ.
    https://www.facebook.com/KhaoSanLao/

Related Posts

Leave a Reply

Your email address will not be published. Required fields are marked *